Búgin Tómengi palata spikeri Nurlan Nyǵmatýlinniń tóraǵalyǵymen Májilis Biýrosy ótip, onda aldaǵy jalpy otyrystyń kún tártibi naqtylandy, dep habarlaidy "Ult aqparat".
Depýtattar qaraýyna «Qazaqstan Respýblikasynyń keibir zańnamalyq aktilerine kólik máseleleri boiynsha ózgerister men tolyqtyrýlar engizý týraly» zań jobasy birinshi oqylymda usynyldy.
Bul zań jobasy jolaýshylar men bagajdy taksimen tasymaldaý boiynsha kórsetiletin qyzmetti damytý úshin qolaily jaǵdailar jasaý, kóliktegi baqylaý fýnktsiialaryn ońtailandyrý, ulttyq zańnamany teńiz temirjol jáne avtomobil kóligi máseleleri boiynsha halyqaralyq sharttardyń talaptaryna sáikestendirýdi kózdeidi.
Osy kúni Májilis Qazaqstan men Belarýs Úkimetteri arasyndaǵy ónerkásiptiń qorǵanys salalary uiymdarynyń óndiristik jáne ǵylymi-tehnikalyq kooperatsiiasy týraly kelisimdi ratifikatsiialaityn zań jobasyn qaramaq.
Sonymen qatar, Biýro otyrysynda Ujymdyq qaýipsizdik týraly shart uiymyna múshe memleketterdiń aqparattyq qaýipsizdikti qamtamasyz etý salasyndaǵy yntymaqtastyǵy týraly kelisimdi ratifikatsiialaý týraly zań jobasyn Májilistiń jalpy otyrysynda qaraý josparlandy.
