Májilis Tóraǵasy Nurlan Nyǵmatýlin AQSh Kongresi Ókilder Palatasy músheleri Devin Nýnes jáne Rik Kroýfordpen kezdesti, dep habarlaidy QazAqparat tómengi palatanyń baspasóz qyzmetine silteme jasap.
Palata spikeri atap ótkendei, AQSh-pen ózara tiimdi jan-jaqty bailanysty damytý bizdiń elimizdiń syrtqy saiasatynyń basym baǵyttarynyń biri. Nurlan Nyǵmatýlin Qazaqstannyń Tuńǵysh Prezidenti – Elbasy Nursultan Nazarbaevtyń 2018 jyly qańtarda Amerika Qurama Shtatyna jasaǵan resmi sapary eki el arasyndaǵy keńeitilgen strategiialyq áriptesikke serpin bergenin atap ótti. Osy rette Májilis Tóraǵasy Qazaqstan Prezidenti Qasym-Jomart Toqaevtyń qalyptasqan syrtqy saiasi ustanymdy saqtai otyryp, áleýmettik-ekonomikalyq damýǵa arnalǵan strategiialyq baǵytty jalǵastyryp kele jatqanyna nazar aýdardy.
Taraptar ekijaqty qarym-qatynasty damytýdyń, sonyń ishinde halyqaralyq qaýipsizdik, energetika, aýyl sharýashylyǵy basqa da salalar boiynsha yqpaldastyqty nyǵaitý máselelerin talqylady.
Óz kezeginde Devin Nýnes bizdiń elimizdiń kóptegen baǵyttar boiynsha jetistikterine joǵary baǵa berdi. Sondai-aq, elderimiz arasyndaǵy lańkestikpen kúres boiynsha syndarly bailanysqa kóńil bóldi.
Kezdesý barysynda N. Nyǵmatýlin parlamentaralyq yntymaqtastyq týraly da sóz qozǵap, Májilis depýtattarynyń AQSh-taǵy áriptesterimen zań shyǵarý jumysynda tájiribe almasýǵa yntaly ekenin jetkizdi.
