Memleket basshysynyń Joldaýyndaǵy tapsyrmalardy oryndaýǵa arnalǵan Úkimet otyrysynda Energetika ministri Nurlan Noǵaev 3 gaz jobasyn júzege asyrý jospary týraly aitty, dep habarlaidy QazAqparat.
Onyń atýynsha, Memleket basshysynyń tapsyrmasyn oryndaý maqsatynda 3 gaz jobasyn júzege asyrýdy josparlanǵan. Birinshi joba – Qashaǵan ken ornynda jylyna 1 mlrd tekshe metr shiki gazdy qaita óńdeý qýaty bar gaz óńdeý zaýytyn salý.
Qazirgi ýaqytta alańda qurylys-montajdaý jumystary júrgizilip jatyr. Jobany iske asyrý 2041 jylǵa deiingi kezeńde qosymsha 10 mln tonna munai óndirýge, sondai-aq jylyna 800 mln tekshe metrge deiin taýarlyq gaz óndirýge múmkindik beretinin atap ótken jón.
Tutastai alǵanda, esepteýler elimiz úshin de, Qashaǵan ken ornynyń merdiger kompaniialary úshin de gaz óńdeý zaýytyn salýdyń joǵary ekonomikalyq tiimdiligin kórsetip otyr.
«Sonymen qatar, búgingi tańda «Maqat – Soltústik Kavkaz» jáne «Okarem-Beineý» magistraldyq gaz qubyrlary Qazaqstannyń batys óńirlerindegi tutynýshylardy gazben jabdyqtaýdy qamtamasyz etýde. Bul gaz qubyrlary keńes zamanynda bir jelilik baǵytta salynǵan, óziniń paidalaný resýrsyn ótep boldy jáne diagnostikalyq zertteý nátijeleri boiynsha olardyń kóptegen aqaýlary bar. Osyǵan bailanysty energetikalyq qaýipsizdikti qamtamasyz etý jáne óńirlerdiń gazǵa degen ósip kele jatqan qajettiligi úshin gazdyń qosymsha kólemin tasymaldaý maqsatynda «Maqat – Soltústik Kavkaz» magistraldyq gaz qubyrynyń lýpingin jáne «Beineý-Jańaózen» magistraldyq gaz qubyrynyń 2-shi jelisin salý josparlanýda. Jalpy, qazirgi ýaqytta barlyq 3 gaz jobasy boiynsha jobalaý-smetalyq qujattama ázirlendi jáne iske asyrýdyń praktikalyq bóligi, onyń ishinde joǵaryda kórsetilgen jobalardy qarjylandyrýǵa bailanysty jumystar júrgizilip jatyr», - dedi ministr.
