مەملەكەت باسشىسىنىڭ جولداۋىنداعى تاپسىرمالاردى ورىنداۋعا ارنالعان ٷكٸمەت وتىرىسىندا ەنەرگەتيكا مينيسترٸ نۇرلان نوعاەۆ 3 گاز جوباسىن جٷزەگە اسىرۋ جوسپارى تۋرالى ايتتى, دەپ حابارلايدى قازاقپارات.
ونىڭ اتۋىنشا, مەملەكەت باسشىسىنىڭ تاپسىرماسىن ورىنداۋ ماقساتىندا 3 گاز جوباسىن جٷزەگە اسىرۋدى جوسپارلانعان. بٸرٸنشٸ جوبا – قاشاعان كەن ورنىندا جىلىنا 1 ملرد تەكشە مەتر شيكٸ گازدى قايتا ٶڭدەۋ قۋاتى بار گاز ٶڭدەۋ زاۋىتىن سالۋ.
قازٸرگٸ ۋاقىتتا الاڭدا قۇرىلىس-مونتاجداۋ جۇمىستارى جٷرگٸزٸلٸپ جاتىر. جوبانى ٸسكە اسىرۋ 2041 جىلعا دەيٸنگٸ كەزەڭدە قوسىمشا 10 ملن توننا مۇناي ٶندٸرۋگە, سونداي-اق جىلىنا 800 ملن تەكشە مەترگە دەيٸن تاۋارلىق گاز ٶندٸرۋگە مٷمكٸندٸك بەرەتٸنٸن اتاپ ٶتكەن جٶن.
تۇتاستاي العاندا, ەسەپتەۋلەر ەلٸمٸز ٷشٸن دە, قاشاعان كەن ورنىنىڭ مەردٸگەر كومپانييالارى ٷشٸن دە گاز ٶڭدەۋ زاۋىتىن سالۋدىڭ جوعارى ەكونوميكالىق تيٸمدٸلٸگٸن كٶرسەتٸپ وتىر.
«سونىمەن قاتار, بٷگٸنگٸ تاڭدا «ماقات – سولتٷستٸك كاۆكاز» جەنە «وكارەم-بەينەۋ» ماگيسترالدىق گاز قۇبىرلارى قازاقستاننىڭ باتىس ٶڭٸرلەرٸندەگٸ تۇتىنۋشىلاردى گازبەن جابدىقتاۋدى قامتاماسىز ەتۋدە. بۇل گاز قۇبىرلارى كەڭەس زامانىندا بٸر جەلٸلٸك باعىتتا سالىنعان, ٶزٸنٸڭ پايدالانۋ رەسۋرسىن ٶتەپ بولدى جەنە دياگنوستيكالىق زەرتتەۋ نەتيجەلەرٸ بويىنشا ولاردىڭ كٶپتەگەن اقاۋلارى بار. وسىعان بايلانىستى ەنەرگەتيكالىق قاۋٸپسٸزدٸكتٸ قامتاماسىز ەتۋ جەنە ٶڭٸرلەردٸڭ گازعا دەگەن ٶسٸپ كەلە جاتقان قاجەتتٸلٸگٸ ٷشٸن گازدىڭ قوسىمشا كٶلەمٸن تاسىمالداۋ ماقساتىندا «ماقات – سولتٷستٸك كاۆكاز» ماگيسترالدىق گاز قۇبىرىنىڭ لۋپينگٸن جەنە «بەينەۋ-جاڭاٶزەن» ماگيسترالدىق گاز قۇبىرىنىڭ 2-شٸ جەلٸسٸن سالۋ جوسپارلانۋدا. جالپى, قازٸرگٸ ۋاقىتتا بارلىق 3 گاز جوباسى بويىنشا جوبالاۋ-سمەتالىق قۇجاتتاما ەزٸرلەندٸ جەنە ٸسكە اسىرۋدىڭ پراكتيكالىق بٶلٸگٸ, ونىڭ ٸشٸندە جوعارىدا كٶرسەتٸلگەن جوبالاردى قارجىلاندىرۋعا بايلانىستى جۇمىستار جٷرگٸزٸلٸپ جاتىر», - دەدٸ مينيستر.
