Búgin apparattyq keńes barysynda Energetika ministri Nurlan Noǵaev Prezidenttiń Joldaýynda kórsetilgen sharalardy júzege asyrý boiynsha qurylymdyq bólimshelerdiń basshylaryna birqatar naqty tapsyrma berdi, dep habarlaidy QazAqparat.
«Prezident Joldaýynda kórsetilgen mindetterdi júzege asyrý úshin barlyq qurylymdyq bólimshelerdiń basshylary bar kúsh-jigerin salýy tiis. Bul qujatta kórsetilgen sharalar otyn-energetika keshenine ǵana emes, el ekonomikasyna da úlken mýltiplikativti áser etedi. Energetika ministrligi qazirdiń ózinde Memleket basshysynyń Joldaýyn iske asyrý jónindegi Jalpyulttyq josparǵa usynystar jiberdi. Barlyq deńgeidegi basshylar Prezident tapsyrmalarynyń oryndalýyna jeke jaýap beredi. Bul másele Úkimettiń turaqty baqylaýynda», - dedi Nurlan Noǵaev.
Eske salsaq, 1 qyrkúiek kúni QR Prezidenti Qasym-Jomart Toqaev «Halyq birligi jáne júieli reformalar – el órkendeýiniń berik negizi» atty halyqqa Joldaýyn jariialady.
Memleket basshysy Joldaýynda otyn-energetika keshenindegi ózekti máselelerdi atap ótti.
Atap aitqanda:
- Almatydaǵy 2-shi jylý elektr ortalyǵynyń aýmaǵynda bý-gaz qondyrǵysyn salý, 3-shi jylý elektr ortalyǵyn jańǵyrtý jáne 1-shi jylý elektr ortalyǵyn keńeitýge kirisý;
- Ońtústik óńirde 1000 MVt jańa energiia óndirýshi qýattardy iske qosý;
- Almaty jáne Almaty oblysyndaǵy kabel jelilerin qaita jańartý;
- Strategiialyq investorlarmen birlesip, elimizdiń túrli óńirinde shamamen 2400 MVt jańartylatyn qýat kózin iske qosý;
- Orta merzimdi perspektivada neǵurlym lastanǵan 10 qalany gazdandyrý jáne balamaly energiia kózderine kóshý;
- Batys óńirlerdi gazben qamtý jaǵdaiyn jaqsartý úshin biylǵy jyldyń ózinde úsh jobany iske asyrýdy qolǵa alý. Bul – Qashaǵandaǵy gaz óńdeý zaýytyn jáne «Maqat-Soltústik Kavkaz» magistraldyq gaz qubyrynyń qurylysy, sondai-aq «Beineý-Jańaózen» magistraldyq gaz qubyryn jańǵyrtý.
- Qaýipsiz jáne ekologiialyq atom energetikasyn, sondai-aq «jasyl» sýtegi energetikasyn damytý múmkindigin zerdeleýdi tapsyrdy.
