بٷگٸن اپپاراتتىق كەڭەس بارىسىندا ەنەرگەتيكا مينيسترٸ نۇرلان نوعاەۆ پرەزيدەنتتٸڭ جولداۋىندا كٶرسەتٸلگەن شارالاردى جٷزەگە اسىرۋ بويىنشا قۇرىلىمدىق بٶلٸمشەلەردٸڭ باسشىلارىنا بٸرقاتار ناقتى تاپسىرما بەردٸ, دەپ حابارلايدى قازاقپارات.
«پرەزيدەنت جولداۋىندا كٶرسەتٸلگەن مٸندەتتەردٸ جٷزەگە اسىرۋ ٷشٸن بارلىق قۇرىلىمدىق بٶلٸمشەلەردٸڭ باسشىلارى بار كٷش-جٸگەرٸن سالۋى تيٸس. بۇل قۇجاتتا كٶرسەتٸلگەن شارالار وتىن-ەنەرگەتيكا كەشەنٸنە عانا ەمەس, ەل ەكونوميكاسىنا دا ٷلكەن مۋلتيپليكاتيۆتٸ ەسەر ەتەدٸ. ەنەرگەتيكا مينيسترلٸگٸ قازٸردٸڭ ٶزٸندە مەملەكەت باسشىسىنىڭ جولداۋىن ٸسكە اسىرۋ جٶنٸندەگٸ جالپىۇلتتىق جوسپارعا ۇسىنىستار جٸبەردٸ. بارلىق دەڭگەيدەگٸ باسشىلار پرەزيدەنت تاپسىرمالارىنىڭ ورىندالۋىنا جەكە جاۋاپ بەرەدٸ. بۇل مەسەلە ٷكٸمەتتٸڭ تۇراقتى باقىلاۋىندا», - دەدٸ نۇرلان نوعاەۆ.
ەسكە سالساق, 1 قىركٷيەك كٷنٸ قر پرەزيدەنتٸ قاسىم-جومارت توقاەۆ «حالىق بٸرلٸگٸ جەنە جٷيەلٸ رەفورمالار – ەل ٶركەندەۋٸنٸڭ بەرٸك نەگٸزٸ» اتتى حالىققا جولداۋىن جارييالادى.
مەملەكەت باسشىسى جولداۋىندا وتىن-ەنەرگەتيكا كەشەنٸندەگٸ ٶزەكتٸ مەسەلەلەردٸ اتاپ ٶتتٸ.
اتاپ ايتقاندا:
- الماتىداعى 2-شٸ جىلۋ ەلەكتر ورتالىعىنىڭ اۋماعىندا بۋ-گاز قوندىرعىسىن سالۋ, 3-شٸ جىلۋ ەلەكتر ورتالىعىن جاڭعىرتۋ جەنە 1-شٸ جىلۋ ەلەكتر ورتالىعىن كەڭەيتۋگە كٸرٸسۋ;
- وڭتٷستٸك ٶڭٸردە 1000 مۆت جاڭا ەنەرگييا ٶندٸرۋشٸ قۋاتتاردى ٸسكە قوسۋ;
- الماتى جەنە الماتى وبلىسىنداعى كابەل جەلٸلەرٸن قايتا جاڭارتۋ;
- ستراتەگييالىق ينۆەستورلارمەن بٸرلەسٸپ, ەلٸمٸزدٸڭ تٷرلٸ ٶڭٸرٸندە شامامەن 2400 مۆت جاڭارتىلاتىن قۋات كٶزٸن ٸسكە قوسۋ;
- ورتا مەرزٸمدٸ پەرسپەكتيۆادا نەعۇرلىم لاستانعان 10 قالانى گازداندىرۋ جەنە بالامالى ەنەرگييا كٶزدەرٸنە كٶشۋ;
- باتىس ٶڭٸرلەردٸ گازبەن قامتۋ جاعدايىن جاقسارتۋ ٷشٸن بيىلعى جىلدىڭ ٶزٸندە ٷش جوبانى ٸسكە اسىرۋدى قولعا الۋ. بۇل – قاشاعانداعى گاز ٶڭدەۋ زاۋىتىن جەنە «ماقات-سولتٷستٸك كاۆكاز» ماگيسترالدىق گاز قۇبىرىنىڭ قۇرىلىسى, سونداي-اق «بەينەۋ-جاڭاٶزەن» ماگيسترالدىق گاز قۇبىرىن جاڭعىرتۋ.
- قاۋٸپسٸز جەنە ەكولوگييالىق اتوم ەنەرگەتيكاسىن, سونداي-اق «جاسىل» سۋتەگٸ ەنەرگەتيكاسىن دامىتۋ مٷمكٸندٸگٸن زەردەلەۋدٸ تاپسىردى.
