Qazaqstan Respýblikasynyń Energetika ministri N.A. Noǵaev Qazaqstandaǵy Belarýs Respýblikasynyń Tótenshe jáne Ókiletti Elshisi A.I. Nichkasov jáne Belarýs memlekettik munai jáne himiia kontserniniń vitse-prezidenti A.N. Býnaqovpen kezdesti, dep habarlaidy "Ult aqparat" QR Energetika ministrliginiń Baspasóz qyzmetine silteme jasap.
Taraptar Qazaqstan Respýblikasynyń Úkimeti men Belarýs Respýblikasynyń Úkimeti arasyndaǵy Belarýs Respýblikasyna munai jáne munai ónimderin jetkizý salasyndaǵy saýda-ekonomikalyq yntymaqtastyq týraly kelisim mátininiń jobasy boiynsha máselelerdi, munai jáne munai ónimderin jetkizýdiń yqtimal kólemin jáne basqa da máselelerdi talqylady.
Jalpy, Kelisimniń jobasyn memlekettik organdar qaraidy.
Yqtimal jetkizýlerdiń bastalýy taraptardyń sharýashylyq júrgizýshi sýbektileriniń kommertsiialyq múddelerine bailanysty bolatyn Kelisim kúshine engennen keiin boljanyp otyr.
Eń utymdy nusqa, árine, qubyr kóligimen jetkizý bolyp tabylady. Biraq, eger mýltimodaldy jetkizilimder ekonomikasy «ótimdi» bolsa, onda mundai jetkizilimder de múmkin bolady.
Aita ketý kerek, birinshi kezekte kelisimge qol qoiylyp, ony ratifikatsiialaýǵa tiis jáne ekinshi kezekte BR Munai jáne munai ónimderin jetkizý boiynsha kompaniialardyń kommertsiialyq múddeliligi qajet.
