2025 jylǵa deiin 13 sý elektr stansasy salynady. Bul týraly Úkimet otyrysynda QR Energetika ministri Nurlan Noǵaev aitty, dep habarlaidy "Ult aqparat".
«Manevrlik qýat tapshylyǵyn eskere otyryp, ministrlik elimizdiń ońtústik óńirinde generatsiianyń manevrlik rejimi bar generatsiialaityn qondyrǵylardy salý jónindegi 4 áleýetti jobany pysyqtady. Jalpy, ońtústik óńirde 2025 jylǵa deiin shamamen 1300 MVt gaz generatsiiasyn iske qosý josparlanýda. 2025 jyldyń sońyna deiin belgilengen jiyntyq qýaty 178 MVt-qa jýyq 13 sý elektr stansasy nysanyn iske qosýdy josparlap otyrmyz», - dedi ministr.
Sonymen qatar ol biyl manevrlik sý elektr stansasyn qosa alǵanda, jańartylatyn energiia kózderi boiynsha jiyntyq qýatqa aýktsiondyq saýda-sattyq ótkizý belgilengenin aitty.
«Jalpy alǵanda, 2025 jyly JEK elektr energiiasyn jalpy óndirý úlesin 6 paiyzǵa jetkizý kútilýde», - dedi Nurlan Noǵaev.
