2025 جىلعا دەيٸن 13 سۋ ەلەكتر ستانساسى سالىنادى. بۇل تۋرالى ٷكٸمەت وتىرىسىندا قر ەنەرگەتيكا مينيسترٸ نۇرلان نوعاەۆ ايتتى, دەپ حابارلايدى "ۇلت اقپارات".
«مانەۆرلٸك قۋات تاپشىلىعىن ەسكەرە وتىرىپ, مينيسترلٸك ەلٸمٸزدٸڭ وڭتٷستٸك ٶڭٸرٸندە گەنەراتسييانىڭ مانەۆرلٸك رەجيمٸ بار گەنەراتسييالايتىن قوندىرعىلاردى سالۋ جٶنٸندەگٸ 4 ەلەۋەتتٸ جوبانى پىسىقتادى. جالپى, وڭتٷستٸك ٶڭٸردە 2025 جىلعا دەيٸن شامامەن 1300 مۆت گاز گەنەراتسيياسىن ٸسكە قوسۋ جوسپارلانۋدا. 2025 جىلدىڭ سوڭىنا دەيٸن بەلگٸلەنگەن جيىنتىق قۋاتى 178 مۆت-قا جۋىق 13 سۋ ەلەكتر ستانساسى نىسانىن ٸسكە قوسۋدى جوسپارلاپ وتىرمىز», - دەدٸ مينيستر.
سونىمەن قاتار ول بيىل مانەۆرلٸك سۋ ەلەكتر ستانساسىن قوسا العاندا, جاڭارتىلاتىن ەنەرگييا كٶزدەرٸ بويىنشا جيىنتىق قۋاتقا اۋكتسيوندىق ساۋدا-ساتتىق ٶتكٸزۋ بەلگٸلەنگەنٸن ايتتى.
«جالپى العاندا, 2025 جىلى جەك ەلەكتر ەنەرگيياسىن جالپى ٶندٸرۋ ٷلەسٸن 6 پايىزعا جەتكٸزۋ كٷتٸلۋدە», - دەدٸ نۇرلان نوعاەۆ.
