Pavlodar oblysy politsiia departamentiniń basshysy Nurlan Másimov qyzmetinen bosatyldy.
«Qazaqstan Respýblikasynyń Ishki ister ministri Erlan Turǵymbaevtyń buiryǵymen Nurlan Myrzahanuly Másimov Pavlodar oblysynyń politsiia departamentiniń bastyǵy qyzmetinen bosatyldy. Ol ózi qyzmetten bosatý jóninde raport bergen», - dep habarlady oblystyń politsiia departamentiniń baspasóz qyzmeti.
Departament bastyǵynyń mindetin politsiia polkovnigi Jasqairat Qaiyrov atqarady.
General-maior Nurlan Másimov - memleketke opasyzdyq jasady degen aiyp taǵylǵan Ulttyq qaýipsizdik komitetiniń burynǵy basshysy Kárim Másimovtiń týysy.
Nurlan Másimov 1973 jyly Almaty oblysynyń Aqsý aýdanyndaǵy Jansúgirov eldi mekeninde dúnige kelgen. 1995 jyly aýyl sharýashylyǵy institýtyn támamdaǵan.
Odan keiin ishki ister ministrliginiń ýchilishesinde jáne Qazaq ulttyq ýniversetetinde bilim aldy. 2016 jyldan bastap prezidenttik rezervte turǵan.
2005-2008 jyldary – Almaty oblystyq ishki ister departamentine qarasty Alakól ishki ister bólimi basshysynyń jedel jumys jónindegi orynbasary;
2008-2010 jyldary - Almaty oblystyq ishki ister departamentine qarasty Alakól ishki ister bólimi basshysy;
2010-2018 jyldary - Almaty oblystyq ishki ister departamenti basshysynyń birinshi orynbasary;
2018-2019 jyldary Almaty qalalyq politsiia departamenti bastyǵynyń birinshi orynbasary;
05.2019-11.2019 – ishki ister ministrliginiń jetinshi departamentiniń basshysy,
2019 jyly qarasha aiynan bastap Pavlodar oblystyq politsiia departamentiniń bastyǵy qyzmetin atqardy;
2021 jyly mamyr aiynda politsiianyń general-maiory shenin aldy.
