پاۆلودار وبلىسى پوليتسييا دەپارتامەنتٸنٸڭ باسشىسى نۇرلان مەسٸموۆ قىزمەتٸنەن بوساتىلدى.
«قازاقستان رەسپۋبليكاسىنىڭ ٸشكٸ ٸستەر مينيسترٸ ەرلان تۇرعىمباەۆتىڭ بۇيرىعىمەن نۇرلان مىرزاحانۇلى مەسٸموۆ پاۆلودار وبلىسىنىڭ پوليتسييا دەپارتامەنتٸنٸڭ باستىعى قىزمەتٸنەن بوساتىلدى. ول ٶزٸ قىزمەتتەن بوساتۋ جٶنٸندە راپورت بەرگەن», - دەپ حابارلادى وبلىستىڭ پوليتسييا دەپارتامەنتٸنٸڭ باسپاسٶز قىزمەتٸ.
دەپارتامەنت باستىعىنىڭ مٸندەتٸن پوليتسييا پولكوۆنيگٸ جاسقايرات قايىروۆ اتقارادى.
گەنەرال-مايور نۇرلان مەسٸموۆ - مەملەكەتكە وپاسىزدىق جاسادى دەگەن ايىپ تاعىلعان ۇلتتىق قاۋٸپسٸزدٸك كوميتەتٸنٸڭ بۇرىنعى باسشىسى كەرٸم مەسٸموۆتٸڭ تۋىسى.
نۇرلان مەسٸموۆ 1973 جىلى الماتى وبلىسىنىڭ اقسۋ اۋدانىنداعى جانسٷگٸروۆ ەلدٸ مەكەنٸندە دٷنيگە كەلگەن. 1995 جىلى اۋىل شارۋاشىلىعى ينستيتۋتىن تەمامداعان.
ودان كەيٸن ٸشكٸ ٸستەر مينيسترلٸگٸنٸڭ ۋچيليششەسٸندە جەنە قازاق ۇلتتىق ۋنيۆەرسەتەتٸندە بٸلٸم الدى. 2016 جىلدان باستاپ پرەزيدەنتتٸك رەزەرۆتە تۇرعان.
2005-2008 جىلدارى – الماتى وبلىستىق ٸشكٸ ٸستەر دەپارتامەنتٸنە قاراستى الاكٶل ٸشكٸ ٸستەر بٶلٸمٸ باسشىسىنىڭ جەدەل جۇمىس جٶنٸندەگٸ ورىنباسارى;
2008-2010 جىلدارى - الماتى وبلىستىق ٸشكٸ ٸستەر دەپارتامەنتٸنە قاراستى الاكٶل ٸشكٸ ٸستەر بٶلٸمٸ باسشىسى;
2010-2018 جىلدارى - الماتى وبلىستىق ٸشكٸ ٸستەر دەپارتامەنتٸ باسشىسىنىڭ بٸرٸنشٸ ورىنباسارى;
2018-2019 جىلدارى الماتى قالالىق پوليتسييا دەپارتامەنتٸ باستىعىنىڭ بٸرٸنشٸ ورىنباسارى;
05.2019-11.2019 – ٸشكٸ ٸستەر مينيسترلٸگٸنٸڭ جەتٸنشٸ دەپارتامەنتٸنٸڭ باسشىسى,
2019 جىلى قاراشا ايىنان باستاپ پاۆلودار وبلىستىق پوليتسييا دەپارتامەنتٸنٸڭ باستىعى قىزمەتٸن اتقاردى;
2021 جىلى مامىر ايىندا پوليتسييانىڭ گەنەرال-مايورى شەنٸن الدى.
