Nurlan imamnyń Tik Tok jelisinde tapqan tabysy belgili boldy

Foto:Instagram / NurlanImam.kz

Áleýmettik jelide "Tik tok imam" nemese "Bloger imam" esimimen tanylǵan teolog, imam Nurlan Baijigituly Tik Tok áleýmettik jelisi arqyly alǵashqy tabysyn tapty, -dep habarlaidy "Ult Aqparat".

Tanymal mobilograf Qyran Talapbek Nurlan imammen dastarhan basynda otyrǵan sátinde Tik Tok áleýmettik jelisi arqyly qarajat tabýǵa bolatynyn aityp, imamnyń qansha aqsha tapqanyn kórsetti. 

"Qurmetti dostar, Nurlan imammen jolyǵyp otyrmyz. Bul kisi Tik Tok arqyly aqsha tabýǵa bolatynyn bilmei júr eken. Osy kúnge deiin 2000 AQSh dollaryn jinapty. Shynymen de, balansy osyndai sýmmaǵa jetkenin bilmegen. Ózi bilmegesin, kirip kórsem aqshasy shyǵyp tur", – dedi Qyran Talapbek.

Imam óz kezeginde: “Osyny oqyrmandarymnyń arasynda Mekkege qajylyq umra joldamasy retinde menimen birge barýǵa syilaimyn…”, – dedi.