Nurlan Ermekbaev ShYU bas hatshysy bolyp sailandy.
Ol 2025-2027 jyldar aralyǵynda bas hatshy qyzmetin atqarady.
Nurlan Ermekbaev 1963 jyly 1 qańtarda Shymkent qalasynda dúniege kelgen. 1986 jyly KSRO Qorǵanys ministrliginiń Áskeri Qyzyl Tý institýtyn úzdik támamdaǵan. 1996 jyly Qazaq memlekettik sáýlet-qurylys akademiiasyn injener-ekonomist mamandyǵy boiynsha bitirgen.
Qazaqstan Respýblikasy táýelsizdik alǵannan bastap 1991-1996 jyldar aralyǵynda Qazaqstan Respýblikasynyń Eýropa jáne Aziia elderindegi syrtqy-ekonomikalyq ókildikterinde jumys istedi.
Saiasi ǵylymdarynyń kandidaty. «Qurmet» jáne «Parasat» ordenderimen, «Lokaldi janjaldarǵa qatysýshyǵa. Angola», «Syrtqy barlaýǵa qosqan úlesi úshin» medaldarymen jáne basqa da medaldarymen marapattalǵan.
1996 jyldan 2001 jylǵa deiin elimizdiń jetekshi saýda-qarjy qurylymdarynda basshylyq qyzmet atqardy.
2001-2014 jyldary diplomatiialyq qyzmette bolyp, Qazaqstan Respýblikasynyń QHR, Vetnam, KHDR, Singapýrdaǵy elshilikterin basqardy. QR Prezidentiniń halyqaralyq máseleler jónindegi keńesshisi, kómekshisi, QR Syrtqy ister ministriniń orynbasary boldy.
2016-2018 jyldary – Qazaqstan Respýblikasynyń Din isteri jáne azamattyq qoǵam ministri. 2014-2016 jyldar aralyǵynda jáne 2018 jylǵy sáýir-tamyz aralyǵynda Qazaqstan Respýblikasy Prezidentiniń kómekshisi - Qaýipsizdik keńesiniń hatshysy bolyp jumys istedi.
2018 jylǵy 7 tamyzda Qazaqstan Respýblikasynyń Qorǵanys ministri bolyp taǵaiyndaldy. 2018 jyldyń tamyzynda Búkil qazaqstandyq qoian-qoltyq urys qaýymdastyǵynyń tóraǵasy bolyp sailandy.
2021 Nurlan Ermekbaev ministrliktegi qyzmetinen otstavkaǵa ketti.
Buǵan deiin ShYU Bas hatshysynyń orynbasary qyzmetin atqardy.
