Nurlan Ermekbaev Prezident kómekshisi - Qaýipsizdik Keńesiniń hatshysy bolyp taǵaiyndaldy, - dep habarlaidy "Ult aqparat" Aqordaǵa silteme jasap.
"Nurlan Baiuzaquly Ermekbaev Qazaqstan Respýblikasy Prezidentiniń kómekshisi - Qaýipsizdik Keńesiniń hatshysy bolyp taǵaiyndalsyn, ol Qazaqstan Respýblikasynyń Din isteri jáne azamattyq qoǵam ministri qyzmetinen bosatylsyn", - delingen habarlamada.
Nurlan Ermekbaev 1963 jyly týǵan. 1986 jyly KSRO Qorǵanys ministrliginiń Máskeýdegi Áskeri Qyzyl tý institýtynyń shyǵys tilderi fakýltetin támamdaǵan. 1996 jyly Qazaq memlekettik sáýlet-qurylys akademiiasynyń ekonomika fakýltetin bitirgen. Orys, qytai, aǵylshyn jáne portýgal tilderin meńgergen. Saiasattaný ǵylymdarynyń kandidaty.
1984 jyldan bastap 1985 jylǵa deiin - Angola Halyq Respýblikasynda qyzmettik issaparda boldy. 1986 jyldan bastap 1996 jylǵa deiin - KSRO Qarýly kúshteri Bas shtaby júiesindegi bólimderde qyzmet etti. 1990 jyldary KSRO QK qatarynan bosatylǵan soń syrtqy ekonomikalyq kompaniialardy basqarǵan. 1993 jyldan bastap 1995 jylǵa deiin - Qazaqstan Respýblikasynyń Qytai Halyq Respýblikasyndaǵy Saýda ókildiginiń aǵa sarapshysy. 1996 jyldan bastap 1997 jylǵa deiin - Almaty saýda-qarjy banki basqarma tóraǵasynyń keńesshisi. 1999 jyldan bastap 2001 jylǵa deiin - "Qazaqstannyń halyq banki" AAQ-nyń Qytai Halyq Respýblikasyndaǵy ókildiginiń basshysy.
2001 jyldan bastap 2003 jylǵa deiin - Qazaqstan Respýblikasynyń Qytai Halyq Respýblikasyndaǵy Elshiliginiń keńesshisi. 2003 jyldan bastap 2004 jylǵa deiin - Qazaqstan Respýblikasynyń Singapýrdaǵy ýaqytsha senimdi ókili (dipmissiia basshysy). 2004 jyldan bastap 2006 jylǵa deiin - Qazaqstan Respýblikasy Prezidenti Ákimshiliginiń Syrtqy saiasat ortalyǵynyń meńgerýshisi. 2006 jyldan bastap 2007 jylǵa deiin - Qazaqstan Respýblikasy Prezidentiniń Keńesshisi - Qazaqstan Respýblikasy Prezidenti Ákimshiliginiń Syrtqy saiasat ortalyǵynyń meńgerýshisi. 2007 jyldan bastap 2010 jylǵa deiin - Qazaqstan Respýblikasy syrtqy ister ministriniń orynbasary. 2010 jyldan bastap 2012 jylǵa deiin - Qazaqstan Respýblikasy Prezidentiniń kómekshisi.
2012 jyldan bastap 2014 jylǵa deiin - Qazaqstan Respýblikasynyń Qytai Halyq Respýblikasyndaǵy Tótenshe jáne ókiletti elshisi. 2012 jyldan bastap 2013 jylǵa deiin - Qazaqstan Respýblikasynyń Vetnam Sotsialistik Respýblikasyndaǵy Tótenshe jáne ókiletti elshisi qyzmetin qosa atqarýshy. 2012 jyldan bastap 2014 jylǵa deiin - Qazaqstan Respýblikasynyń Koreia Halyqtyq Demokratiialyq Respýblikasyndaǵy Tótenshe jáne ókiletti elshisi qyzmetin qosa atqarýshy. 2014 jyldan bastap 2016 jylǵa deiin - Prezidenttiń kómekshisi - Qazaqstan Respýblikasy Qaýipsizdik Keńesiniń hatshysy. 2016 jyldyń qyrkúieginde Memleket basshysynyń Jarlyǵymen Qazaqstan Respýblikasy din isteri jáne azamattyq qoǵam ministri bolyp taǵaiyndalǵan edi.
"Parasat" (2015), "Qurmet" (2005) ordenderimen, "Ońtústik Qazaqstan oblysynyń igiligine eńbegi úshin", "Jergilikti janjaldarǵa qatysýshyǵa. Angola" medaldarymen, basqa da birqatar mereitoilyq medaldarmen, "Prezidenttiń alǵysy", "Qazaqstan temir jolyna 110 jyl" tósbelgilerimen marapattalǵan. Diplomatiialyq rangi - Tótenshe jáne Ókiletti Elshi. Úilengen, eki balasy bar.
