Qazirgi ýaqytta álemde túrli qaqtyǵystar oryn alýda. Olardyń paida bolýyna senimniń joqtyǵy sebep.
Bul týraly «Mádeniet arqyly beibitshilikke qol jetkizý» halyqaralyq qaýymdastyǵy uiymdastyrǵan ««Rýhani jańǵyrý - bereke-birlik joly» halyqaralyq konferentsiiasynda QR Din isteri jáne azamattyq qoǵam ministri Nurlan Ermekbaev málimdedi, dep habarlaidy atalmysh vedomostvonyń baspasóz qyzmeti.
Halyqaralyq konferentsiia ǵylym jáne mádeniet salasynyń ókilderi, din kóshbasshylary men ártúrli elderdiń memlekettik qairatkerleri óz oilaryn ortaǵa salatyn ashyq dialog alańyna ainaldy. Qatysýshylar álemdik qoǵamdastyqtyń qazirgi zamanǵy problemalary men álemdik qaýymdastyqtyń zamanaýi qaýip-qaterlerin rýhani jańǵyrý joly arqyly salmaqty túrde sheshý máselelerin talqylady.
Konferentsiia barysynda sóz sóilegen Nurlan Ermekbaev qazirgi kúni jahanda kóptegen qaqtyǵystardyń oryn alyp otyrǵanyn atap ótti. Ministrdiń aitýynsha, túrli janjaldardyń oryn alýyna qoǵamda senimniń bolmaýy sebep. Senim bul saliqali uǵym. Kez kelgen ulttyń mádenietine, ǵylymyna jáne halyqtyń rýhani qajettilikterine qurmet kórsetiletin jerde ǵana senim paida bolady. Bul úshin intellektýaldyq jáne ziiatkerlik ortany integratsiialyq úderisterge tartý úshin jańa praktikalyq sharalar qajet. Sondyqtan ministr jyl saiynǵy konferentsiiany ótkizý osy mindetti sheshý úshin tiimdi alań bolatynyn atap ótti.
Konferentsiia aiasynda Eýraziia halyqtary Assambleiasynyń keńeitilgen otyrysy ótti. Eýraziia halyqtarynyń Assambleiasy - eýraziialyq integratsiia ideialaryn damytý turǵysynda halyqtyq diplomatiiasynyń quralyna ainalǵan, Máskeýde qurylǵan halyqaralyq qoǵamdyq qozǵalys bolyp tabylady.
«Kóptegen saiasatkerler Qazaqstan Prezidentin eýraziiashyldyqtyń ideology dep ataidy. Memleket basshysynyń «Bolashaqqa baǵdar: rýhani jańǵyrý» maqalasynda kórsetilgen baǵdarlamalar, mindetter men jobalar, onyń ishinde eýraziialyq yntymaqtastyq salasyndaǵy bastamalar ózekti bolyp tabylady. Bul rette, «Qazirgi jahandyq álemdegi qazaqstandyq mádeniet» baǵdarlamasy airyqsha mańyzǵa ie... «Týǵan jer» baǵdarlamasy Assambleianyń qyzmetine de oń áserin tigizedi. Baǵdarlama patriottyq tárbie men azamattyq belsendilikti damytýǵa baǵyttalǵan» - dedi Nurlan Ermekbaev.
Ministrdiń aitýynsha, Assambleia tarapy úkimettik emes uiymdardyń jumysyna qyzyǵyýshylyq tanytýy kerek. Din isteri jáne azamattyq qoǵam ministrligi «Týǵan jer» baǵdarlamasyny aiasynda «Atameken» ataýymen biriktirilgen is-sharalarynyń oryndalýyna jaýapty. Osyǵan bailanysty Nurlan Ermekbaev Eýraziia halyqtary Assambleiasynyń qatysýshylaryn bizdiń jobalarymyzǵa qyzyǵýshylyq tanytyp, birlese jumys isteýge shaqyrdy.
Esterińizge sala keteiik, atalǵan halyqaralyq shara Qazaqstandaǵy rýhani kelisim kúni merekesi aiasynda ótkizilip otyr. Konferentsiiaǵa tanymal mádeniet jáne ǵylym qairatkerleri - Oljas Súleimenov, Iosif Kobzon, Tólegen Muhamedjanov, Valeriia Porohova, sondai-aq dini birlestikterdiń basshylary men úkimettik emes uiymdardyń ókilderi qatysty.
