Májilis depýtaty Nurlan Álimjan eńbek jolyn jumysshy retinde bastaǵan qoǵam qairatkerlerin dáripteýge shaqyryp, Bilim jáne ǵylym ministri Ashat Aimaǵambetovke depýtattyq saýal joldady, dep habarlaidy "Ult aqparat".
«Elbasynyń qamqorlyǵynyń arqasynda jastar 2017 jyldan beri kolledjderde tegin bilim alý múmkindigine ie boldy. Sonyń ishinde qanshama aýyl balasy mamandyq alyp, búginde úilerge sý, jaryq, jylý berý qyzmetterin atqarýda. Elektrondyq úkimet portalyndaǵy aqparatqa súiensek, elimizde 759 kolledj bar eken. Olardy kásiporyndar men mekemelerge senimgerlikke berý máselesi 5 jyldan beri kóterilip keledi. Byltyr Premer-Ministr Asqar Uzaqbaiuly «Iri kompaniialar, ekonomika kóshbasshylary 150-ge jýyq kolledjdi senimgerlik basqarýǵa ala alady, al ýniversitetter 50-ge jýyq kolledjdi qabyldaýǵa daiyn. Bul bastamalarǵa qoldaý kórsetip, seriktestik tetikterin ázirleýimiz kerek» degen edi. Árine, bul basqarý oqý baǵdarlamasyn eńbek naryǵyna sáikestendirip, stýdentterdiń jańa tehnologiiamen praktikadan ótýine múmkindik beredi», - dedi Nurlan Álimjan Parlament Májilisiniń jalpy otyrysynda.
Onyń aitýynsha, búgingi másele – senimgerlikke kirmegen kolledjder jaiy. Óitkeni, el aralaǵanda bir kolledjdiń bazasy keremet, al ekinshisinde Keńes dáýirinen qalǵan eski traktor men apparattar tur.
«Osyǵan orai Bilim jáne ǵylym ministriniń qaraýyna kelesi usynystardy engizemin: BAQ-ta eńbek jolyn jumysshy mamandyǵynan bastaǵan qoǵam qairatkerleri, belgili azamattardy dáripteýdi qolǵa alyp, osy mamandyqtardy yntalandyratyn qaǵaz nusqada jáne elektrondy formatta arnaiy jýrnal, gazetti bir júiege qoiý kerek. Halyqaralyq standartqa sai baǵdarlama ázirlep, kolledjderdiń materialdyq-tehnikalyq bazasyn jańartqan durys. Kolledjdi úzdik bitirgen stýdenttiń ýniversitetke emtihansyz qabyldanyp, grant arqyly bilim alý múmkindigin qarastyr kerek», - dedi depýtat.
