Mádeniet jáne sport vitse-ministri Nurǵisa Dáýeshov mádeniet salasyna eń kóp qarajat bólgen úsh óńirdi atady, dep habarlaidy QazAqparat.
«2020 jyly óńirlerdiń jalpy biýdjetinen mádeniet salasyna bólingen qarajattyń paiyzdyq úlesin shyǵardyq. Mádeniet salasyna bólingen qarajat kólemi jaǵynan aldyńǵy qatarlarda Almaty oblysy (5,6%), Qaraǵandy oblysy (3,6%), Aqmola oblysy (3,1%) tur», - dedi Nurǵisa Dáýeshov ministrliktiń alqa májilisinde.
Onyń aitýynsha úiirmelerdiń jalpy sany boiynsha Shyǵys-Qazaqstan oblysy (3450), Batys-Qazaqstan oblysy (3113), Aqmola oblysy (2752) kósh bastap tur. Úiirmege qatysýshylar sany boiynsha Qaraǵandy oblysy (35437), Shyǵys-Qazaqstan oblysy (23691) Qostanai oblystary (23751) aldaǵy orynda.
«Byltyrdan beri 2020 jyly mádeniet salasynda «Jumyspen qamtýdyń jol kartasy» sheńberinde óńirlerde 23,3 mlrd teńge somasyna shamamen 288 infraqurylymdyq joba iske asyrylýda. Onyń ishinde kúrdeli, aǵymdaǵy jóndeýler, jańa mádeniet obektilerin salý jumystary da bar. Bul kórsetkish boiynsha Shyǵys Qazaqstan (76), Qaraǵandy (47) Aqmola (37) oblystary kósh bastap tur», - dedi ol.
