مەدەنيەت جەنە سپورت ۆيتسە-مينيسترٸ نۇرعيسا دەۋەشوۆ مەدەنيەت سالاسىنا ەڭ كٶپ قاراجات بٶلگەن ٷش ٶڭٸردٸ اتادى, دەپ حابارلايدى قازاقپارات.
«2020 جىلى ٶڭٸرلەردٸڭ جالپى بيۋدجەتٸنەن مەدەنيەت سالاسىنا بٶلٸنگەن قاراجاتتىڭ پايىزدىق ٷلەسٸن شىعاردىق. مەدەنيەت سالاسىنا بٶلٸنگەن قاراجات كٶلەمٸ جاعىنان الدىڭعى قاتارلاردا الماتى وبلىسى (5,6%), قاراعاندى وبلىسى (3,6%), اقمولا وبلىسى (3,1%) تۇر», - دەدٸ نۇرعيسا دەۋەشوۆ مينيسترلٸكتٸڭ القا مەجٸلٸسٸندە.
ونىڭ ايتۋىنشا ٷيٸرمەلەردٸڭ جالپى سانى بويىنشا شىعىس-قازاقستان وبلىسى (3450), باتىس-قازاقستان وبلىسى (3113), اقمولا وبلىسى (2752) كٶش باستاپ تۇر. ٷيٸرمەگە قاتىسۋشىلار سانى بويىنشا قاراعاندى وبلىسى (35437), شىعىس-قازاقستان وبلىسى (23691) قوستاناي وبلىستارى (23751) الداعى ورىندا.
«بىلتىردان بەرٸ 2020 جىلى مەدەنيەت سالاسىندا «جۇمىسپەن قامتۋدىڭ جول كارتاسى» شەڭبەرٸندە ٶڭٸرلەردە 23,3 ملرد تەڭگە سوماسىنا شامامەن 288 ينفراقۇرىلىمدىق جوبا ٸسكە اسىرىلۋدا. ونىڭ ٸشٸندە كٷردەلٸ, اعىمداعى جٶندەۋلەر, جاڭا مەدەنيەت وبەكتٸلەرٸن سالۋ جۇمىستارى دا بار. بۇل كٶرسەتكٸش بويىنشا شىعىس قازاقستان (76), قاراعاندى (47) اقمولا (37) وبلىستارى كٶش باستاپ تۇر», - دەدٸ ول.
