Foto: https://www.instagram.com/nurgali_nusipzhanov_official/
Qazaqstan halyq ártisi, Qazaqstannyń memlekettik syilyǵynyń laýreaty Nurǵali Núsipjanovtyń qaiyn enesi dúnieden ozdy, dep habarlaidy Ult.kz.
Qaraly habardy Nurǵali Núsipjanulynyń ózi áleýmettik jelidegi paraqshasynda habarlady.
«Hosh bolyńyz, perishte ana… Jalǵan dúniede jumyr basty pendeniń tórt qubylasy túgeli joq-aý, sirá… Jasym ulǵaiyp, aýrý meńdegende janyma jalaý bolar jan izdedim, óitkeni men de bir kem dúniesiz emes edim…
Jas kúninen qalam, qaǵazdy serik etken qalamger qyzyn qazaqtyń qartań tartqan qarapaiym ánshisine analardyń anasy ǵana, múmkin uly ana, bálki imany men ibasy kelisken kemeńger ana ǵana qisa kerek…
Aq-adal júregińizdiń aldynda basymdy jerge jetkenshe idim, áziz ana… San myń taǵzym sizge…San million qurmet sizge…
Eń alǵash kezdesken sátten, el aǵasy dep erekshe syiladyńyz, basymdaǵy batpandai zil-muńymdy, taýdai taýqymetimdi talqyǵa salmadyńyz, tek janaryńyzdan jasyńyz parlap tyńdadyńyz zar-kúiimdi…
Siz maǵan jan-dúnieńiz syzdasa da júregińizdiń bir bólshegin syiladyńyz, ǵumyrymdy uzartqan ǵibratyńyzdyń aldynda qaryzdarmyn, ana…
Baqi dúnieden Fáni dúniege attanǵansha Allanyń aq jolynda boldyńyz, sájdeni súigen mańdaiyńyz jarqyrap, ortamyzdy toltyryp otyrýshy edińiz, ornyńyz oisyrap qaldy, eńiregende etegi jasqa tolǵan bir japyraq Jadyrańyzdy jubatarǵa sóz tappai qinalyp qaldym, jan ana…
Aqtyq demińiz úzilgenshe qyzǵaldaǵyńyzdy amanat ettińiz, qiianat jasamaimyn ana…
Hosh bolyńyz, jatqan jerińiz jánnáttyń tóri bolǵai, jaisań ana…Siz shyn mánisinde jaqsy adam edińiz…Qadyr-qasietińizden ainaldym asyl adamym meniń…Baqul bolyńyz, perishte ana…», - dep jazdy ánshi.
Eske sala keteiik, Nurǵali Núsipjanov 6 jyl buryn ózinen 45 jas kishi jýrnalist Jadyra Seideshpen nekesin qiǵan bolatyn.
