فوتو: https://www.instagram.com/nurgali_nusipzhanov_official/
قازاقستان حالىق ەرتٸسٸ, قازاقستاننىڭ مەملەكەتتٸك سىيلىعىنىڭ لاۋرەاتى نۇرعالي نٷسٸپجانوۆتىڭ قايىن ەنەسٸ دٷنيەدەن وزدى, دەپ حابارلايدى Ult.kz.
قارالى حاباردى نۇرعالي نٷسٸپجانۇلىنىڭ ٶزٸ ەلەۋمەتتٸك جەلٸدەگٸ پاراقشاسىندا حابارلادى.
«حوش بولىڭىز, پەرٸشتە انا… جالعان دٷنيەدە جۇمىر باستى پەندەنٸڭ تٶرت قۇبىلاسى تٷگەلٸ جوق-اۋ, سٸرە… جاسىم ۇلعايىپ, اۋرۋ مەڭدەگەندە جانىما جالاۋ بولار جان ٸزدەدٸم, ٶيتكەنٸ مەن دە بٸر كەم دٷنيەسٸز ەمەس ەدٸم…
جاس كٷنٸنەن قالام, قاعازدى سەرٸك ەتكەن قالامگەر قىزىن قازاقتىڭ قارتاڭ تارتقان قاراپايىم ەنشٸسٸنە انالاردىڭ اناسى عانا, مٷمكٸن ۇلى انا, بەلكي يمانى مەن يباسى كەلٸسكەن كەمەڭگەر انا عانا قيسا كەرەك…
اق-ادال جٷرەگٸڭٸزدٸڭ الدىندا باسىمدى جەرگە جەتكەنشە يدٸم, ەزيز انا… سان مىڭ تاعزىم سٸزگە…سان ميلليون قۇرمەت سٸزگە…
ەڭ العاش كەزدەسكەن سەتتەن, ەل اعاسى دەپ ەرەكشە سىيلادىڭىز, باسىمداعى باتپانداي زٸل-مۇڭىمدى, تاۋداي تاۋقىمەتٸمدٸ تالقىعا سالمادىڭىز, تەك جانارىڭىزدان جاسىڭىز پارلاپ تىڭدادىڭىز زار-كٷيٸمدٸ…
سٸز ماعان جان-دٷنيەڭٸز سىزداسا دا جٷرەگٸڭٸزدٸڭ بٸر بٶلشەگٸن سىيلادىڭىز, عۇمىرىمدى ۇزارتقان عيبراتىڭىزدىڭ الدىندا قارىزدارمىن, انا…
باقي دٷنيەدەن فەني دٷنيەگە اتتانعانشا اللانىڭ اق جولىندا بولدىڭىز, سەجدەنٸ سٷيگەن ماڭدايىڭىز جارقىراپ, ورتامىزدى تولتىرىپ وتىرۋشى ەدٸڭٸز, ورنىڭىز ويسىراپ قالدى, ەڭٸرەگەندە ەتەگٸ جاسقا تولعان بٸر جاپىراق جادىراڭىزدى جۇباتارعا سٶز تاپپاي قينالىپ قالدىم, جان انا…
اقتىق دەمٸڭٸز ٷزٸلگەنشە قىزعالداعىڭىزدى امانات ەتتٸڭٸز, قييانات جاسامايمىن انا…
حوش بولىڭىز, جاتقان جەرٸڭٸز جەننەتتىڭ تٶرٸ بولعاي, جايساڭ انا…سٸز شىن مەنٸسٸندە جاقسى ادام ەدٸڭٸز…قادىر-قاسيەتٸڭٸزدەن اينالدىم اسىل ادامىم مەنٸڭ…باقۇل بولىڭىز, پەرٸشتە انا…», - دەپ جازدى ەنشٸ.
ەسكە سالا كەتەيٸك, نۇرعالي نٷسٸپجانوۆ 6 جىل بۇرىن ٶزٸنەن 45 جاس كٸشٸ جۋرناليست جادىرا سەيدەشپەن نەكەسٸن قيعان بولاتىن.
