Qazaqstannyń halyq ártisi Nurǵali Núsipjanov áleýmettik jelide áserli jazba jariialap, ómirden ótken enesin eske aldy, dep habarlaidy ult.kz Politico.kz saityna siltep.
Óner iesi jubaiy Jadyranyń anasynan aiyrylǵanyna jeti ai tolǵanyn aityp, onyń qaiǵysy áli de basylmaǵanyn jetkizdi. Ánshiniń sózinshe, jaqynynan aiyrylǵan jannyń júregindegi saǵynysh ýaqyt ótken saiyn azaimai, kerisinshe tereńdei túsedi.
«Anasynan aiyrylǵan kúndi saǵatyna, tipti minýt-sekýndyna deiin esinen shyǵara alar emes. Jeti aidan beri solai. Jan-jarymnyń kishkentai júregindegi úlken qaiǵysy ulǵaimasa, azaimai tur», – dep jazdy Núsipjanov.
Sondai-aq ol marqum ananyń dúnieden ótkenine jeti ai ótse de, qyzynyń anasyna degen saǵynyshy men muńy seiilmegenin atap ótti. Ánshi ómirdegi eń aýyr synaqtardyń biri – ata-anadan aiyrylý ekenin aityp, bul qasirettiń orny eshqashan tolmaitynyn jetkizdi.
Jazba sońynda Nurǵali Núsipjanov jubaiynyń jan tebirenterlik sózderin keltirip, ata-anany saǵyný seziminiń qanshalyqty aýyr ekenin baiandady.
Óner iesiniń jazbasy áleýmettik jeli qoldanýshylarynyń kóńilin tolqytyp, kópshilik marqumnyń rýhyna duǵa baǵyshtap, otbasy múshelerine sabyr tiledi.
