Búgin ishki ister ministrliginde ministrdiń jańa keńesshisi jáne IIM-niń resmi ókili – baspasóz hatshysy tanystyryldy, dep habarlady vedomstvonyń baspasóz qyzmeti.
QR ishki ister ministri Erlan Turǵymbaevtyń buiryǵymen bul qyzmetke Oraz Nurdildá Serikuly taǵaiyndalǵan.
Oraz Ál-Farabi atyndaǵy Qazaq ulttyq ýniversitetinde, IIM Qaraǵandy akademiiasynda, L.N. Gýmilev atyndaǵy Eýraziia ulttyq ýniversitetinde bilim alǵan. "Bolashaq" baǵdarlamasy boiynsha AQSh-ta (Kaliforniia, Florida) oqyǵan. Mamandyǵy - jýrnalist, zańger.
Jańa baspasóz hatshysy budan buryn "Qazaqstan", "31 arna", "Astana" respýblikalyq telearnalarynda tilshi, redaktor bolyp jumys istedi, Astana qalasynyń IID baspasóz qyzmetiniń bastyǵy, IIM memlekettik til jáne aqparat departamentiniń direktory, QR bas prokýratýrasy apparat basshysynyń orynbasary jáne resmi ókili, "ORT-Eýraziia" telearnasy direktorynyń orynbasary bolyp qyzmet atqardy.
Ministr Turǵymbaev jańa taǵaiyndalǵan keńesshisi ári IIM-niń resmi ókili – baspasóz hatshysyna BAQ-pen jumysty úilestirý men uiymdastyrýda jemisti eńbek tiledi.
