Qazaqstan Respýblikasy Úkimetiniń qaýlysymen Nurbek Sliamhanuly Daiyrbekov Qazaqstan Respýblikasynyń aýyl sharýashylyǵy vitse-ministri laýazymyna taǵaiyndaldy. Bul týraly QR Premer-Ministriniń Baspasóz qyzmeti habarlaidy.
Nurbek Daiyrbekov 1973 jyly 11 mamyrda Almaty qalasynda dúniege keldi. Lenin komsomoly atyndaǵy Novosibir memlekettik ýniversitetin, QR Prezidenti janyndaǵy Qazaqstan menedjment, ekonomika jáne boljaý institýtyn támamdaǵan.
Eńbek jolyn 1994 jyly bastaǵan. Ár jyldary kommertsiialyq sektorda, sonyń ishinde «Aq-Bidai» JShS-de jumys istegen.
1997-2002 jyldary Almaty qalasyndaǵy Memlekettik azyq-túlik kelisim shart korporatsiiasynda jumys istegen. Satyp alý jáne ótkizý basqarmasynyń basshysy, basqarma basshysynyń orynbasary, bas mamany, Syrtqy ekonomikalyq qyzmet departamentiniń direktory qyzmetterin atqardy.
2002-2006 jyldary — «Agroneftesnab» JShS direktory. 2006-2009 jyldary «Qazaqstan astyq kompaniiasy» JShS bas direktory qyzmetin atqarǵan.
2010-2012 jyldary — «Green Energy Almaty» JShS direktory.
2012-2016 jyldary — «Azyq-túlik kelisim shart korporatsiiasy» UK» AQ basqarýshy direktory – kommertsiialyq direktory.
2016-2019 jyldary — «Samal Trans» JShS direktorynyń keńesshisi.
2019 jylǵy sáýirden bastap «Azyq-túlik kelisim shart korporatsiiasy» UK» AQ basqarýshy direktory laýazymyn atqardy.
