Býharest qalasynda Qazaqstan Respýblikasynyń Rýmyniiadaǵy Elshisi Nurbah Rústemovtyń Rýmyniianyń Prezidenti Klaýs Iohanniske senim gramotalaryn tapsyrý rásimi ótti, – dep habarlaidy «Ult aqparat» QR Syrtqy ister ministrliginiń baspasóz qyzmetine silteme jasap.
Atalǵan kezdesý barysynda Qazaqstannyń Elshisi Prezidentti qaita sailanýymen quttyqtap, uzaq merzimdi jáne ózara tiimdi yntymaqtastyqty nyǵaitý men damytý jónindegi onyń qoldaýyna úmit bildirdi.
Sonymen qatar, qazaqstandyq diplomat Qazaqstan Respýblikasy Prezidentiniń atynan Rýmyniianyń Memleket basshysyna shynaiy tilekterin jetkizdi.
Bul rette, Rýmyniianyń Prezidenti qazaqstan-rýmyndyq qatynastaryn sapaly jańa deńgeige shyǵarý úshin áleýet bar ekenin atap ótti. Osyǵan bailanysty, kóptegen salalarda ekijaqty bailanystardy tereńdetý jóninde senimdi qadamdar jasaýǵa shaqyrdy.
Kezdesý sońynda K. Iohannis, QR Elshisin qyzmetke kirisýimen quttyqtap, aldaǵy ýaqytta da tabys tiledi.
