«Adaldyq alańy» respýblikalyq jobalyq keńsesiniń jetekshisi Tólegen Baiǵulov «Nur joly» ótkizý pýnktindegi júk kólikteriniń jinalyp qalý máselesi qalai rettelip jatqanyn aityp berdi, dep habarlaidy QazAqparat.
«Koronavirýs pandemiiasyna bailanysty Qytai tarapy óz shekarasyna kiretin avtokólik quraldarynyń sanyn azaitty. Sondai-aq, olar avtokólik quraldary men júrgizýshilerdi sanitarlyq tekseristen ótkizý sharalaryn kúsheitti. Osynyń saldarynan eki eldiń arasynda birshama kólik jinalyp qalyp jatyr. Tasymaldaýshylardyń basym bóliginde (shamamen 80%) júkterdi tasymaldaýǵa naqty tapsyrystar men sharttardyń bolmaýy da qiyndyq týdyrǵanyn aita ketý kerek. Olar sol jerde bir jolǵy mámile jasasý maqsatynda QHR aýmaǵyna barady. Alaida qytai tarapy olarǵa óz aýmaǵynda júkti tieý jáne keri shyǵý úshin 48 saǵat ýaqyt beredi. Osydan baryp júrgizýshiler QHR-ǵa qarai beitarap jolaqqa qaita kezekke turady. Kólik taǵy jinalady», - deidi Tólegen Baiǵulov agenttiktiń Facebook paraqshasynda ótken onlain baspasóz máslihatynda.
Onyń aitýynsha 2020 jylǵy 1 shildesinen bastap «Qaljat», «Baqty» jáne «Maiqapshaǵai» ótkizý pýnktteri ashylǵan. Olar buryn ýaqytsha jabylǵan bolatyn. Áitse de qazir osy pýnkttermen bekettes Qytai tarapynan ótkizý pýnktteri jabyq bolǵandyqtan ol jaqtardan taýar toly kólikter óte almaidy. Osyǵan bailanysty negizgi júkteme «Nur joly» ótkizý pýnktine túsip tur.
«Týyndaǵan jaǵdaidy retteý maqsatynda 2020 jyldyń 9 qyrkúieginde aprobatsiia sheńberinde gocargo.kz elektrondyq kezek júiesi iske qosyldy. Osynyń nátijesinde avtokólik quraldary «Nur joly» ótkizý pýnktine saitta tirkelý jáne elektrondy kezek boiynsha kire alatyn boldy. Bul rette júie taýar sanatyna bailanysty (eksport, gýmanitarlyq júkter jáne t. b.) kólik kezegin jolǵa qoiady. Sondai-aq avtokólik quraldarynyń Qazaqstan aýmaǵyna sońǵy kelgen sátinen bastap keminde 14 kún buryn qaita júrip ótýi shekteledi», - deidi ol.
Tólegen Baiǵulov bul júie ishki ister, memlekettik kirister jáne kóliktik baqylaý organdarynyń bazalarymen integratsiia kezeńinde turǵanyn jetkizdi.
«Osy jyldyń 1 qazanynan bastap ol tolyǵymen engiziletin bolady. Sondai-aq, memlekettik kiris organdary Qytai tarapynan «Qaljat», «Baqty» jáne «Maiqapshaǵai» ótkizý pýnktterin ashý boiynsha QHR tarapynan Úkimet deńgeiinde kelissózder júrgizý týraly hatqa bastamashylyq etti. Bul ótkizý pýnktteriniń kedendik ákimshilendirýdi júrgizý úshin barlyq qajetti infraqurylymy bar. Sondai-aq ótkizý pýnktinde óz qyzmetin «EurotransitLogistic» JShS Saýda-logistikalyq ortalyqtary júzege asyrady», - deidi ol.
Onyń sózinshe búgingi tańda «Nur Joly» keden beketinen kólik quraldarynan aqyly terminalǵa deiingi jol bóliginde kólik quraldarynyń jinalý jaǵdaiy tómendegen. Júrgizýshiler tarapynan tolqý joq. Qytai tarapy ortasha eseppen táýligine 60-tan 80-ge deiin kólik quralyn qabyldaidy.
