Nur-Sultan qalalyq Politsiia departamentiniń baspasóz qyzmeti «Álem» saýda úiinde qaitys bolǵan áiel týraly túsinikteme berdi, dep habarlaidy "Ult aqparat".
Búgin áleýmettik jelide «Álem» saýda ortalyǵynda bir áieldiń qaitys bolǵany týraly videojazba paida boldy.
«27 naýryz kúni saǵat 12.27-de «Álem» saýda úiiniń birinshi qabattaǵy pavilonynda 70 jastaǵy áieldiń máiiti tabyldy. Máiitte eshqandai dene jaraqaty bolmaǵan. Onyń jeke zattaryn tekserý barysynda bas ainalýdan, búirektiń sozylmaly qabynýynan, gipertoniia men bas aýrýlarynan tabletkalar tabyldy», - delingen deparatmenttiń resmi habarlamasynda.
Sonymen birge, marqumnyń qant diabeti jáne arterialdyq gipertenziia aýrýlary boiynsha dispanserlik esepte turǵandyǵy anyqtaldy.
«Atalǵan fakti boiynsha politsiia qyzmetkerleri sotqa deiingi tergeýdi bastady. Qajetti sot-meditsinalyq saraptamalar taǵaiyndaldy», - deidi departamenttiń baspasóz qyzmeti jetekshisiniń mindetin atqarýshy Elmira Shaýlenova.
