Nur-Sultannyń intellektýaldy kólik júiesi Eýropa, TMD jáne Ortalyq Aziia elderi arasynda 1-shi orynǵa ie boldy.
Bul 12 eldiń 40 qalasy. «Aqyldy» qalalardy damytý máseleleri IDC Smart City Forum onlain rejiminde talqylandy, dep habarlaidy "Ult aqparat" elorda ákimi Altai Kólginov óziniń Instagram paraqshasyna silteme jasap.
Onyń jazýynsha, Nur-Sultanda qala odan ári qaýipsiz etý maqsatymen birqatar joba qolǵa alyndy:
Birinshi. Kóshelerde aqyldy kamera ornatýdyń nátijesinde jol-kólik oqiǵalarynyń sany 40% - ǵa azaidy, ólim-jitim eki ese azaidy. Jol qozǵalysyna qatysýshylar tártip saqtai bastady.
Ekinshi. «Qaýipsiz aýla» jobasyn iske asyryp jatyrmyz. Turǵyndardyń ótinishi boiynsha aýlalarda kameralar ornatyp kelemiz. Bul qaýipsizdik deńgeiin arttyrýǵa: urlyq, memlekettiń eáne jeke azamattardyń múlkin búldirý jáne basqa da quqyqbuzýshylyqtar sanyn qysqartýǵa múmkindik beredi.
Úshinshi. Mektepter men balabaqshalar qaýipsizdik deńgeiin arttyrý úshin kameralarmen qamtyldy.
Tórtinshi. Barlyq avtobýstar jol aqysyn qolma-qol aqshasyz tóleýge arnalǵan validatorlarmen jabdyqtalǵan. Bul kóleńkeli ainalym máselesin sheshýge múmkindik berdi. Pandemiia ýaqytynda tsifrlandyrýdy damytý qanshalyqty mańyzdy ekenin kórip otyrmyz, óitkeni bailanyssyz tólemniń arqasynda virýstyń taralý qaýpin azaitýǵa múmkindik týdy. Sonymen qatar, Face Pay tólem júiesi engizildi – júie adamdy tanyp, jol júrý tólemi avtomatty tólenedi. Jobamen qamtylǵan avtobýstar sanyn arttyramyz.
«Bul baǵyttar-tikelei qaýipsiz qozǵalysqa jáne quqyqbuzýshylyqtar sanyn azaitýǵa baǵyttalǵan jobalardyń bir bóligi ǵana. Tsifrlandyrýdy barlyq baǵyttar boiynsha, sonyń ishinde elordany tsifrlandyrýdy «Smart City» tujyrymdamasy aiasynda júrgizemiz»,-dep jazady elorda ákimi.
