2021 jyldyń qazan aiynyń ortasynda Ońtústik-Shyǵys iri turǵyn alabynda úiler gazǵa qosyldy, dep habarlaidy "Ult aqparat" Elorda ákimdiginiń resmi saityna silteme jasap.
Bul jeke sektor tútinniń negizgi kózderiniń biri bolyp sanalady. Osylaisha, búginde kelesi aýdandar gaz berýmen qamtamasyz etildi: 1) «Promyshlennyi» t/a (Qoshqarbaev dańǵylynan ońtústikke qarai tolyǵymen); 2) Momyshuly dańǵyly - Abylaihan dańǵyly - Qoshqarbaev dańǵyly - Qordai kóshesi shekarasynda; 3) Qudaiberdiuly dańǵyly - Býrabai – Abylaihan dańǵyly - Mustafin kóshesi; 4) Qobylandy batyr kóshesi - Lepsi kóshesi - Qudaiberdiuly dańǵyly - Býrabai kóshesi.
Osy aýdandarda turatyn turǵyndar úidi gazǵa qosýǵa ótinim berý úshin "QazTransGaz Aimaq" AQ-ǵa (Respýblika dańǵyly, 24) júginýi qajet. Tolyq aqparat alý úshin +7(7172)55-89-75, ishki nómirleri: 1530, 1527, 1534.
Ońtústik-Shyǵys turǵyn alabynyń qalǵan bóligi boiynsha iske qosý-retteý jumystary júrgizilýde, gazdy iske qosý kezeń-kezeńimen bir ai ishinde oryndalady. Qazaqaýyl (Qaraótkel) shaǵyn aýdany boiynsha qurylys-montajdaý jumystary júrgizilýde.
«Bul biz úshin óte qýanyshty oqiǵa. Keshe úiimiz gazǵa kóshirildi. Endi túnimen peshti kúzetip, tekserýdiń qajeti joq. Tańerteń qazandyqty tekserdim, bári taza, úi de taza, jyly. Buryn túnde 3-4 ret peshke kómir salýǵa týra keletin. Qazir munyń bárin jasaýdyń qajeti joq», - dedi Ońtústik-Shyǵys turǵyny Erden Omarov.
«Bizdiń Ońtústik-Shyǵys eldi mekeninde turǵanymyzǵa 20 jyl boldy. Pesh jaǵyp, sonyń tútinimen demalatynbyz. Endi bizge gaz keldi. Óte qýanyshtymyz. Bizge jeńil bolyp qana qoimai, ekologiia da jaqsarady», - dedi Ońtústik-Shyǵys turǵyn alabynyń turǵyny Ámirjan Bolsanbekov.
Nur-Sultanda qalany gazdandyrý boiynsha aýqymdy jumystar jalǵasýda. Eki jyl ishinde elordada 645 shaqyrymnan astam kvartalishilik gazben jabdyqtaý jelileri salyndy. Gazǵa Kóktal-1, Kóktal-2, Temirjolshylar, Agroqalashyq bóligi jáne Ońtústik-Shyǵys turǵyn alaptarynyń turǵyndary qosyldy.
Osy kúzde Promyshlennyi, Agroqalashyq jáne Ońtústik-Shyǵys (qosylmaǵan bólikter) turǵyndary gazǵa qosylý múmkindigin alady. Sondai-aq, «QazTransGaz Aimaq» AQ Kúigenjar, Michýrino, Internatsionalnyi eldi mekenderinde gazben jabdyqtaý jelileriniń qurylysyn júrgizýde.
Gazdandyrý — Elbasynyń aýqymdy jobasy. Joba qala turǵyndarynyń ómir súrý sapasyn arttyryp, qala ekologiiasyn aitarlyqtai jaqsartýǵa múmkindik beredi.
Qalany gazdandyrý máselesi Memleket basshysynyń baqylaýynda.
