Búgin Prezident Ákimshiliginiń jáne qalalyq máslihat depýtattarynyń kelisimimen Nurbol Nursaǵatov Nur-Sultan qalasy, Baiqońyr aýdanynyń ákimi bolyp taǵaiyndaldy, dep habarlady elorda ákimdiginiń saity.
38 jastaǵy Nurbol Nursaǵatov meritokratiia qaǵidasyna sáikes jetekshi mamannan bastap, komitet tóraǵasynyń orynbasary, basqarma basshysy laýazymyna deiingi joldardy ótken tájiribeli maman, - delingen habarlamada.
Aita keteiik, aýdannyń buǵan deiingi ákimi paraǵa aifon aldy dep ustalyp, qazir sot sheshimin kútip otyr.
Jańa ákimniń qyzmet joly:
2004-2005 jyldary Indýstriia jáne saýda ministrliginiń qurylys komitetinde jetekshi maman, bas maman bolyp bastaǵan.
2005-2008 jyldary qala ákimdiginiń Memlekettik sáýlet-qurylys baqylaý basqarmasynda bas maman, bólim basshysy, direktor orynbasary bolǵan.
2008-2011 jyldary Astana qalasy ákimdiginiń Qurylys basqarmasy basshysynyń orynbasary;
2011-2012 jyldary aýyl sharýashylyǵy ministrliginiń sý resýrstary Komiteti tóraǵasynyń orynbasary laýazymyn atqarǵan.
2014-2019 jyldar aralyǵynda Shyǵys Qazaqstan oblysy ákimdiginiń Kólik jáne avtomobil joldary basqarmasyna, Almaty qalasy ákimdiginiń Qurylys basqarmasyna jáne Nur-Sultan qalasy ákimdiginiń Qorshaǵan ortany qorǵaý basqarmasyna basshylyq jasady.
