Búgin elorda ákimdiginde 100 turǵynǵa 1 mln teńgeniń turǵyn úi sertifikatyn berý sharasy ótti, dep habarlaidy QazAqparat tilshisi.
«Elorda kúni qarsańynda 1 mln teńgeniń turǵyn úi sertifikatyn tabys etý sharasyn ótkizýimiz - qýantarlyq jait. Bul soma úsh sanattaǵy, atap aitqanda bilim berý, densaýlyq saqtaý jáne quqyq qorǵaý organdary salalarynyń azamattary úshin úlken kómek. Bul igi shara «Nurly jer» memlekettik baǵdarlamasy aiasynda osy jyldyń basynda bastaý alǵan edi. Baǵdarlama Turǵynúiqurylysjinaqbanki arqyly júzege asyrylady. Jyldyń basynda mundai sertiftikatty 147 azamat alǵan edi. Endi, mine, búgin taǵy 100 adamǵa tabystap otyrmyz», - dedi Nur-Sultan qalasy ákiminiń orynbasary Erlan Kanalimev.
Onyń aitýynsha, búgin sertifikat alǵan azamattardyń shamamen 90-y biýdjet qalasynda, al qalǵandary densaýlyq saqtaý jáne quqyq qorǵaý organdarynda jumys isteidi.
«Olar - tólem qabiletin jáne turaqty tabysy bar ekenin dáleldegen adamdar. Bul azamattar úshin atalǵan soma bastapqy jarnany tóleý úshin aitarlyqtai kómek bolady», - dedi ol.
Aita keterligi, biyl turǵyn úi sertifikaty úshin qala biýdjetinen 1,5 mlrd teńge qarastyrylǵan.
