Aýa raiynyń qolaisyzdyǵyna bailanysty Qorǵaljyn, Qostanai, Kókshetaý, Pavlodar, Qaraǵandy men Rojdestvenskii baǵytyndaǵy barlyq joldar jabyldy, – dep habarlaidy qalalyq Politsiia departamenti.
Elordalyq politsiia qyzmeti kúsheitilgen rejiminde jumystyń qyzmet atqaryp keledi. Qiyn jaǵdaiǵa tap bolǵan turǵyndarǵa kómek kórsetý úshin jeke quram tolyǵymen qyzmetke kirisken. Budan buryn habarlanǵandai, qolǵa alynǵan sharalardyń arqasynda eki kúnniń ishinde 64 adam qutqarylǵan. Onyń úsheýi - bosanǵan áielder. Túni boiy quqyq qorǵaýshylar jolda qar qursaýynda qalǵan kólikterdi shyǵarýmen boldy.
Máselen, soltústik ainalma jolda Petropavlǵa bara jatqan jolaýshylar avtobýsy qarǵa batyp qalǵan. Onda Reseige jol júrip bara jatqan 53 jolaýshy – Ózbekstan Respýblikasynyń azamattary bolǵan. Politsiia avtopatrýliniń kómegimen batyp qalǵan avtobýs qardan shyǵarylyp, jolaýshylar qonaq úige ornalastyryldy.
Qazirgi ýaqytta qutqarý jumystary jalǵasýda. Politsiia qyzmetkerleri turǵyndardy jolǵa shyǵý josparyn keiinge qaldyryp, joldyń ashyq nemese jabyq ekenin aldyn ala qadaǵalap otyrýǵa shaqyrady.
