اۋا رايىنىڭ قولايسىزدىعىنا بايلانىستى قورعالجىن, قوستاناي, كٶكشەتاۋ, پاۆلودار, قاراعاندى مەن روجدەستۆەنسكيي باعىتىنداعى بارلىق جولدار جابىلدى, – دەپ حابارلايدى قالالىق پوليتسييا دەپارتامەنتٸ.
ەلوردالىق پوليتسييا قىزمەتٸ كٷشەيتٸلگەن رەجٸمٸندە جۇمىستىڭ قىزمەت اتقارىپ كەلەدٸ. قيىن جاعدايعا تاپ بولعان تۇرعىندارعا كٶمەك كٶرسەتۋ ٷشٸن جەكە قۇرام تولىعىمەن قىزمەتكە كٸرٸسكەن. بۇدان بۇرىن حابارلانعانداي, قولعا الىنعان شارالاردىڭ ارقاسىندا ەكٸ كٷننٸڭ ٸشٸندە 64 ادام قۇتقارىلعان. ونىڭ ٷشەۋٸ - بوسانعان ەيەلدەر. تٷنٸ بويى قۇقىق قورعاۋشىلار جولدا قار قۇرساۋىندا قالعان كٶلٸكتەردٸ شىعارۋمەن بولدى.
مەسەلەن, سولتٷستٸك اينالما جولدا پەتروپاۆلعا بارا جاتقان جولاۋشىلار اۆتوبۋسى قارعا باتىپ قالعان. وندا رەسەيگە جول جٷرٸپ بارا جاتقان 53 جولاۋشى – ٶزبەكستان رەسپۋبليكاسىنىڭ ازاماتتارى بولعان. پوليتسييا اۆتوپاترۋلٸنٸڭ كٶمەگٸمەن باتىپ قالعان اۆتوبۋس قاردان شىعارىلىپ, جولاۋشىلار قوناق ٷيگە ورنالاستىرىلدى.
قازٸرگٸ ۋاقىتتا قۇتقارۋ جۇمىستارى جالعاسۋدا. پوليتسييا قىزمەتكەرلەرٸ تۇرعىنداردى جولعا شىعۋ جوسپارىن كەيٸنگە قالدىرىپ, جولدىڭ اشىق نەمەسە جابىق ەكەنٸن الدىن الا قاداعالاپ وتىرۋعا شاقىرادى.
