8 qyrkúiekte Nur-Sultan qalasynyń áýejaiyna Turkish Airlines, Air Astana men Flydubai áýe kompaniialarynyń ushaqtary kelip qondy. Osy ushaqtardyń borttarynda 828 jolaýshy men ekipajdardyń 36 múshesi bolǵan, dep habarlaidy "Ult aqparat" elorda áýejaiynyń baspasóz qyzmetine silteme jasap.
Atalǵan jolaýshylardyń ishinde 122 adamda PTR-test anyqtamasy bolmaǵan. Sol sebepti olardyń bári de karantindik statsionarǵa jatqyzyldy. Jolaýshylardyń ishinen dene qyzýy bar adam anyqtalǵan joq.
PTR-testten ótkennen keiin jolaýshylar úilerine jiberiledi. Al eger olardyń koronavirýs juqtyrǵany belgili bolsa infektsiialyq statsionarǵa barady.
7 qazannyń keshinen 8 qazannyń tańyna deiin Dýbai, Antaliia, Ystanbul, Máskeý, Frankfýrt pen Ekaterinbýrgtan jeti reis kelgen.
Eske sala ketsek, 6 qazan saǵat 00.00-den bastap QR bas memlekettik sanitariialyq dáriger Erlan Qiiasovtyń memlekettik shekaralardaǵy ótkizý beketinde koronavirýs infektsiiasynyń aldyn alý sharalaryn kúsheitýge baǵyttalǵan jańa qaýlysy kúshine engen bolatyn.
Aita keterligi, buǵan deiin Kóliktegi bas memlekettik sanitarlyq dáriger Sádýaqas Baiǵabylov koronavirýs infektsiiasy boiynsha jańa talaptar engizilgennen keiin alǵashqy halyqaralyq áýe reisteriniń kelýine qatysty pikir bildirgen edi.
«Osy jyldyń 6 qazanynyń túninde Nur-Sultan qalasynyń áýejaiy Túrkiiadan 4 áýe reisin kútip aldy. Barlyǵy 478 jolaýshy keldi. Olardyń 170-i COVID-19 boiynsha PTR-anyqtamasy bolmaǵandyqtan karantindik statsionarǵa jatqyzyldy. Olar sol jerde PTR-analizden ótedi», - dedi kóliktegi bas memlekettik sanitarlyq dáriger.
