8 قىركٷيەكتە نۇر-سۇلتان قالاسىنىڭ ەۋەجايىنا Turkish Airlines, Air Astana مەن Flydubai ەۋە كومپانييالارىنىڭ ۇشاقتارى كەلٸپ قوندى. وسى ۇشاقتاردىڭ بورتتارىندا 828 جولاۋشى مەن ەكيپاجداردىڭ 36 مٷشەسٸ بولعان, دەپ حابارلايدى "ۇلت اقپارات" ەلوردا ەۋەجايىنىڭ باسپاسٶز قىزمەتٸنە سٸلتەمە جاساپ.
اتالعان جولاۋشىلاردىڭ ٸشٸندە 122 ادامدا پتر-تەست انىقتاماسى بولماعان. سول سەبەپتٸ ولاردىڭ بەرٸ دە كارانتيندٸك ستاتسيونارعا جاتقىزىلدى. جولاۋشىلاردىڭ ٸشٸنەن دەنە قىزۋى بار ادام انىقتالعان جوق.
پتر-تەستتەن ٶتكەننەن كەيٸن جولاۋشىلار ٷيلەرٸنە جٸبەرٸلەدٸ. ال ەگەر ولاردىڭ كوروناۆيرۋس جۇقتىرعانى بەلگٸلٸ بولسا ينفەكتسييالىق ستاتسيونارعا بارادى.
7 قازاننىڭ كەشٸنەن 8 قازاننىڭ تاڭىنا دەيٸن دۋباي, انتالييا, ىستانبۇل, مەسكەۋ, فرانكفۋرت پەن ەكاتەرينبۋرگتان جەتٸ رەيس كەلگەن.
ەسكە سالا كەتسەك, 6 قازان ساعات 00.00-دەن باستاپ قر باس مەملەكەتتٸك سانيتارييالىق دەرٸگەر ەرلان قيياسوۆتىڭ مەملەكەتتٸك شەكارالارداعى ٶتكٸزۋ بەكەتٸندە كوروناۆيرۋس ينفەكتسيياسىنىڭ الدىن الۋ شارالارىن كٷشەيتۋگە باعىتتالعان جاڭا قاۋلىسى كٷشٸنە ەنگەن بولاتىن.
ايتا كەتەرلٸگٸ, بۇعان دەيٸن كٶلٸكتەگٸ باس مەملەكەتتٸك سانيتارلىق دەرٸگەر سەدۋاقاس بايعابىلوۆ كوروناۆيرۋس ينفەكتسيياسى بويىنشا جاڭا تالاپتار ەنگٸزٸلگەننەن كەيٸن العاشقى حالىقارالىق ەۋە رەيستەرٸنٸڭ كەلۋٸنە قاتىستى پٸكٸر بٸلدٸرگەن ەدٸ.
«وسى جىلدىڭ 6 قازانىنىڭ تٷنٸندە نۇر-سۇلتان قالاسىنىڭ ەۋەجايى تٷركييادان 4 ەۋە رەيسٸن كٷتٸپ الدى. بارلىعى 478 جولاۋشى كەلدٸ. ولاردىڭ 170-ٸ COVID-19 بويىنشا پتر-انىقتاماسى بولماعاندىقتان كارانتيندٸك ستاتسيونارعا جاتقىزىلدى. ولار سول جەردە پتر-اناليزدەن ٶتەدٸ», - دەدٸ كٶلٸكتەگٸ باس مەملەكەتتٸك سانيتارلىق دەرٸگەر.
