Nur-Sultanǵa "omikron" shtamy anyqtalǵan elderden 227 adam kelgen. Olardyń bári úi karantinine jatqyzylǵan. Bul týraly elordanyń bas sanitariia dárigeri Sarhat Beisenova aitty, - dep habarlaidy Tengrinews.kz.
"Nur-Sultanǵa "omikron" shtamy anyqtalǵan elderden kelgen 227 adam úi karantininde. Olar turǵylyqty jeri boiynsha dárigerler baqylaýynda. Olardyń báriniń PTR-synamasy teris", - dedi Baisenova ákimdikte ótken brifingte.
Onyń aitýynsha, respýblika aýmaǵyna "omikron" shtamynyń ákelinýine jol bermeý maqsatynda 3 jeltoqsannan bastap 11 el azamattarynyń Qazaqstanǵa kelýine shekteý qoiylǵan.
"Omikron" shtamyn juqtyrý jaǵdailary anyqtalǵan elderden - Izrail, Chehiia, Niderlandy, Belgiia, Ulybritaniia, Italiia, Germaniia, Avstraliia, Kanada, Mysyrdan kelgen adamdar vaktsina alǵanyna qaramastan PTR-synama tapsyrýy kerek jáne 72 saǵattan keshiktirmei. Sonymen qatar, bul elderden kelgen adamdar PTR synamasynyń nátijesine qaramastan, 7 kún merzimge úi karantininde oqshaýlanýǵa jatady", - dedi ol.
