Elordada páterden 20 mln teńgeniń zatyn urlap ketti degen kúdikpen shetel azamaty ustaldy, dep habarlaidy "Ult aqparat".
«Jedel izdestirý sharalaryn júrgizý barysynda páterden zergerlik buiymdar men tanymal brendterdiń kiim-keshegin qoldy qylǵan Ózbekstan Respýblikasynyń azamaty ustaldy. Tergeý barysynda áieldiń páterge úi iesiniń shaqyrýymen kelgeni anyqtaldy. Ol er adamnyń senimine kirgen. Keltirilgen shyǵyn kólemi – 20 million teńge. Urlanǵan zattardyń ishinde qymbat turatyn shveitsar qolsaǵaty, áshekei buiymdar, kiim men basqa da zattar bar», - dep habarlaidy qalalyq Politsiia departamentiniń baspasóz qyzmetinen.
Vedomstvo málimetinshe, kúdikti páter urlyǵyn jasaǵanyn moiyndaǵan. Qazir ol ýaqytsha oqshaýlaǵyshta otyr. QR QK-niń 188-baby boiynsha sotqa deiingi tergeý amaldary bastaldy. Shetel azamatynyń basqa da qylmystarǵa qatysy bar-joǵy anyqtalýda.
