Elordada juqpaly aýrýlarǵa arnalǵan jańa gospital qurylysy aiaqtalýǵa jaqyn, dep habarlaidy "Ult aqparat" qurylys kompaniiasyna silteme jasap.
Eń basty nátije - sońǵy modýldiń ornatylýy boldy. Baspasóz qyzmetiniń habarlaýynsha, 200 oryndyq jańa aýrýhana qurylysy qarqyndy júrip jatyr. Endi ishki bailanys symdary, káriz júiesi men sý qubyrlary qoiylyp jatyr.
Ǵimarattyń ózi ModeX zaýytynda nemis tehnologiiasymen aldyn ala ázirlengen bloktardan qurylǵan. Odan bólek, aýrýhana palatalarynda arnaiy gospitaldik jeldetkish bolady, bul qyzmetkerlerge infektsiia juqtyrý qaýpin azaitatyn kórinedi.
Odan bólek, aýrýhanada arnaiy aýa súzetin júie ornatylǵan. Esik pen terezeden aýa ótpeidi. Ár palatanyń óz dárethanasy bolady.
Ótken aptada qurylysshylar BAQ ókilderin shaqyryp, qurylys barysyn kórsetken edi. Joba direktory Arman Lesbekovtiń aitýynsha, qurylysta Dúniejúzilik densaýlyq saqtaý uiymynyń barlyq talaby eskerilgen.
Eske sala ketsek, 3 sáýirde TJ rejimin qamtamasyz etý jónindegi memlekettik komissiia Qazaqstannyń úsh iri qalasynda juqpaly aýrýlar aýrýhanalaryn salýdy uiǵardy. Onyń qurylysyna tez turǵyzylatyn qurylymdar qoldanylmaq. Ózge elderdegi tez salynatyn aýrýhanalarmen salystyrǵanda, Qazaqstandaǵy ǵimarattar uzaq jylǵa paidalanýǵa berilmek.
