Elordada kópqabatty úide páter órtenip, turǵyndar zardap shekti, dep habarlaidy "Ult aqparat" qalalyq Tótenshe jaǵdailar departamentine silteme jasap.
«Búgin saǵat 14:14-te «101» pýltine Kúishi Dina 39/1 mekenjaiyndaǵy órt týraly habar tústi. Órt sóndirýshiler oqiǵa ornyna 7 minýtta jetip, ekinshi qabattaǵy páterdiń janyp jatqanyn anyqtady. Órttiń jalpy aýmaǵy 45 sharshy metrdi qurady. Kireberiste qoiý tútin bolǵandyqtan qutqarýshylar turǵyndardy evakýatsiialaýǵa kirisip ketti», - delingen TJD habarlamasynda.
Órt sóndirý kezinde baspaldaq pen qutqarý maskasy arqyly jalpy 20 adam, onyń ishinde 9 bala qutqaryldy. Oqiǵanyń saldarynan túrli jaraqatpen aýrýhanaǵa aldyn-ala boljam boiynsha 12 adam jetkizildi, olardyń 6-ýy – balalar. Naqty zardap shekkender sany anyqtalýda.
«Ókinishke qarai órt sóndirý kezinde 4 qabattan 1987 jylǵy qyz balanyń denesi tabyldy. Jalyn saǵat 14:37-te aýyzdyqtalyp, 14:41-de tolyǵymen sóndirildi. Órt sóndirýge 9 dana tehnika jáne 31 adam jumyldyryldy. Tótenshe jaǵdaidyń sebebi anyqtalýda», - deidi departament.
