ەلوردادا كٶپقاباتتى ٷيدە پەتەر ٶرتەنٸپ, تۇرعىندار زارداپ شەكتٸ, دەپ حابارلايدى "ۇلت اقپارات" قالالىق تٶتەنشە جاعدايلار دەپارتامەنتٸنە سٸلتەمە جاساپ.
«بٷگٸن ساعات 14:14-تە «101» پۋلتٸنە كٷيشٸ دينا 39/1 مەكەنجايىنداعى ٶرت تۋرالى حابار تٷستٸ. ٶرت سٶندٸرۋشٸلەر وقيعا ورنىنا 7 مينۋتتا جەتٸپ, ەكٸنشٸ قاباتتاعى پەتەردٸڭ جانىپ جاتقانىن انىقتادى. ٶرتتٸڭ جالپى اۋماعى 45 شارشى مەتردٸ قۇرادى. كٸرەبەرٸستە قويۋ تٷتٸن بولعاندىقتان قۇتقارۋشىلار تۇرعىنداردى ەۆاكۋاتسييالاۋعا كٸرٸسٸپ كەتتٸ», - دەلٸنگەن تجد حابارلاماسىندا.
ٶرت سٶندٸرۋ كەزٸندە باسپالداق پەن قۇتقارۋ ماسكاسى ارقىلى جالپى 20 ادام, ونىڭ ٸشٸندە 9 بالا قۇتقارىلدى. وقيعانىڭ سالدارىنان تٷرلٸ جاراقاتپەن اۋرۋحاناعا الدىن-الا بولجام بويىنشا 12 ادام جەتكٸزٸلدٸ, ولاردىڭ 6-ۋى – بالالار. ناقتى زارداپ شەككەندەر سانى انىقتالۋدا.
«ٶكٸنٸشكە قاراي ٶرت سٶندٸرۋ كەزٸندە 4 قاباتتان 1987 جىلعى قىز بالانىڭ دەنەسٸ تابىلدى. جالىن ساعات 14:37-تە اۋىزدىقتالىپ, 14:41-دە تولىعىمەن سٶندٸرٸلدٸ. ٶرت سٶندٸرۋگە 9 دانا تەحنيكا جەنە 31 ادام جۇمىلدىرىلدى. تٶتەنشە جاعدايدىڭ سەبەبٸ انىقتالۋدا», - دەيدٸ دەپارتامەنت.
