Elorda ákimi Altai Kólginov tańerteńgilik aralaý kezinde problemaly nysannyń biri «Qorǵaljyn kvartalynda» boldy, dep habarlaidy Nur-Sultan ákimdiginiń baspasóz qyzmeti.
Bul úidiń qurylysyna 292 úlesker qarajat salǵan. Mundaǵy páter sany turǵyn úi kesheni jobasynan artyq. Burynǵy qurylys salýshy turǵyn úidiń joǵarǵy tehnikalyq qabattary men jertólelerin páter retinde satyp jibergen.
«Bul aýmaqta eshqandai qurylys jumystary júrip jatqan joq. Bizde eń tómengi qabatta parking bar. Biraq bul oryndardy páter retinde satyp jibergen. Ol jerden 13 adam páter satyp alǵan. Abattandyrý jumystary joq, injenerlik jeliler de joq. Qazandyq jabyq tur. Biz tipti onyń jumys isteitin, ne istemeitinin de bilmeimiz», - dedi turǵyn úidiń úleskerleri.
Olardyń aitýynsha, úleskerler ózderi kúzet jaldap, qaraýyl qoiǵan. Sebebi, úidiń qurylys materialdarynyń qoldy bolyp ketýinen qaýiptenedi. Osylaisha bul turǵyn úi kesheni 2017 jyly problemaly nysan bolyp tanylyp, salynǵan qarjy qaitarymyn qamtamasyz etý úshin qosymsha jer ýchaskesin bólý qarastyrylǵan.
«Úleskerlerge úileriniń qurylysynyń aiaqtalyp, óz páterlerine kirýi úshin memleket kómektesip jatyr. Joba-smetalyq qujatqa túzetý engizemiz, memlekettik saraptama jasaimyz. Oǵan qosa injenerlik jelileri boiynsha jobany alý kerek. Sodan keiin baryp abattandyrý jumystaryna kirisken jón. Jumys júrgiziletin bolady», - dep atap kórsetti qala ákimi Altai Kólginov.
Qalada qurylysy aiaqtalmaǵan 51 obekti bar.
