Nur-Sultan qalasy Qoǵamdyq densaýlyq saqtaý basqarmasynyń basshysy Sáýle Qisyqova elordadaǵy meditsinalyq uiymdardyń qalai jumys isteitinin aityp berdi, dep habarlaidy QazAqparat.
«2020 jyldyń 15 naýryzyndaǵy Prezidenttiń «Qazaqstan Respýblikasynda Tótenshe jaǵdai engizý týraly» № 285 Jarlyǵyna sáikes, Nur-Sultan qalasyndaǵy barlyq meditsinalyq uiymdarǵa karantin engizildi. Iaǵni, aýrýhanalarda maskalyq rejim ornap, kelýshilerge tyiym salyndy. Jedel jáne josparly aýrýhanaǵa jatqyzý jumystary jalǵasady», - - dedi basqarma basshysy qala ákimdiginde ótken onlain brifingide.
Bastapqy meditsinalyq-sanitarlyq kómekke kelsek, barlyq emhanalar qalypty rejimde tańǵy 8.00-den keshki 20.00-ge deiin demalys pen mereke kúnderi de jumys isteidi.
Dárigerge jazylý jalǵasa beredi, ishtegi náresteni ýltradybystyq zertteý, kardiotokografiia, zerthanalyq saraptamalar tapsyrý aldyn ala jazylý boiynsha josparly túrde júrgiziledi.
Josparly dárigerlik konsýltatsiialar qashyqtan rejimge aýystyrylady. Múgedekterge beriletin dáriler úilerine deiin jetkiziledi. Balalardy vaktsinatsiialaý ekpe kúntizbesi josparyna sáikes júrgiziledi. Júkti áielder josparly tártipte aýrýhanaǵa jatqyzylady.
Ambýlatoriialyq-emhanalyq uiymdarda shuǵyl meditsinalyq járdem jumysy kúsheitildi.
Buǵan deiin basqarma basshysy Nur-Sultanda kornavirýs juqtyrǵandardyń basym bóligi 30-49 jas aralyǵynda ekenin málimdegen edi.
Qalada tirkelgen barlyq 25 jaǵdai boiynsha jaqyn bailanysta bolǵan 244 adam Nur-Sultan men ózge óńirlerdegi aýrýhanalarǵa jatqyzyldy.
Sonymen birge, aldaǵy eki aptada elorda turǵyndaryna koronavirýs infektsiiasyna qatysty ekspress testileý júrgiziledi. Eske sala ketsek, Qazaqstanda qazir koronavirýs infektsiiasyn juqtyrǵandar sany 49 adamǵa jetti. Almatyda – 22 adam, Qaraǵandy qalasynda - 2 adam, Nur-Sultanda - 25 adam tirkelgen.
