Nur-Sultan qalasynda «Jalpyǵa mindetti orta bilim» aktsiiasy bastaldy. Bul týraly «Atameken» kásipkerler palatasysy habarlady.
Aktsiia sheńberinde elorda ákimdigi jekelegen sanattaǵy balalardy mektepke daiyndaýda materialdyq kómek kórsetedi.
Aktsiiany elorda ákimdigi Nur-Sultan qalasynyń kásipkerler palatasynyń qatysýymen úshinshi jyl qatarynan uiymdastyryp keledi.
«Biyl aktsiia aiasynda jalpy somasy 600 mln teńgege mektepke 15 myń oqýshyny daiyndaý josparlanǵan. «Jalpyǵa mindetti orta bilim» aktsiiasyna mektep formasy men aiaq kiim óndiretin 18 otandyq taýar óndirýshi qosylýǵa niet bildirdi. Qala boiynsha 30 saýda núktesi jumys isteidi, onda ata-analar ul-qyzdarǵa arnalǵan mektep formasyn, sonyń ishinde jeide, blýzka, sarafan, kostiým (pidjak, keýdeshe, shalbar nemese iýbka), jempir satyp ala alady», – dep habarlady Nur-Sultan qalasy kásipkerler palatasy direktorynyń orynbasary Beisen Jolboldiev.
Onyń habarlaýynsha, biyl ár oqýshyǵa 40 myń teńgeden bólinedi. Satý jáne esep aiyrysý BMC Sales platformasy bazasynda BMC Vseobuch arnaiy qosymshasy – «Jalpyǵa mindetti orta bilim» jobasyn avtomattandyrý servisi arqyly júrgiziledi. «BMC Vseobuch» servisiniń jańashyldyǵy – satyp alýshyǵa jetkizýshilerdiń taýarlary men saýda núktelerin, satyp alý jáne tólemder tarihyn, sondai-aq áleýmettik kartadaǵy balanstyń qaldyǵyn tekserýge múmkindik beredi.
«Memleket aýdarǵan qarajatty basqa maqsatqa jumsaý múmkin emes. Áleýmettik kartochkany toltyryp nemese aqshany qolma-qol sheship alýǵa bolmaidy», – dep atap ótti Beisen Jolboldiev.
Baǵdarlama 11 tamyzda bastalyp, 31 qazanda aiaqtalady. Aktsiiaǵa qatysý úshin ata-ana balalar oqityn mektepke baryp, áleýmettik statýsyn rastaýy tiis, keiin balanyń derekteri aktsiiaǵa jiberiledi.
«DANMARD kompaniiamyz «Jalpyǵa mindetti orta bilim» aktsiiasyna basynan qatysyp jatyr. Aktsiia arqyly kóptegen áleýmettik másele sheshiledi: balalardyń kiimi bútindelip, mektepke daiyn bolady, otandyq óndirýshiler taýaryn sata alady. Osylaisha aqshalai qarajat Qazaqstanda qalady da kórshi elderge emes, ekonomikamyzdyń damýyna jumsalady. Sondyqtan biz elorda ákimdigi men Nur-Sultan qalasy kásipkerler palatasyna jergilikti biznes qoldaý men otandyq taýardyń ilgerileýine qosqan úlesi úshin alǵys bildiremiz. Myqty memleket myqty ekonomika men óndiris negizinde quralady», – deidi «DANMART» JShS direktorynyń orynbasary Dilara Sandybaeva.
Palata direktory Almat Júnisovtyń habarlaýynsha, aktsiiaǵa qatysýǵa nietti otandyq taýar óndirýshiler sany jyl saiyn artyp keledi. Mysaly 2019 jyly qatysýshy sany 9 bolsa, 2020 jyly – 16-ǵa jetti. Aktsiiany elorda ákimdigi men Nur-Sultan qalasynyń kásipkerler palatasy úshinshi jyl qatarynan ótkizýde. 2019 jyly 12 690 oqýshyǵa 30 myń teńgeden bóldi. 2020 jyly bul soma 13 245 oqýshyǵa shaqqanda 40 myń teńgege deiin ulǵaityldy.
Jalpyǵa mindetti orta bilim aiasynda kómek kelesi sanattaǵy mektep oqýshylaryna kórsetiledi:
- memlekettik ataýly áleýmettik kómek (AÁK) alýǵa quqylyǵy otbasylardyń balalary;
- memlekettik ataýly áleýmettik kómek almaityn, jan basyna shaqqandaǵy tabysy eń tómengi kúnkóris deńgeiinen tómen otbasylardyń balalary;
- úide turatyn jetim balalar jáne ata-anasynyń qamqorlyǵynsyz qalǵan balalar;
- tótenshe jaǵdai saldarynan shuǵyl kómekke muqtaj otbasylardyń balalary;
- bilim berý uiymynyń alqaly organy aiqyndaityn ózge de sanattaǵy bilim alýshylar men tárbielenýshiler.
2021 jyly «Jalpyǵa mindetti orta bilim» baǵdarlamasynyń qatysýshylary:
1. «SAMHAT aiaq kiim fabrikasy» JShS
2. BMC Sales satylymdardyń seriktestik jelisi» JShS saýda kompaniiasy (mektep jáne balalar kiiminiń tigin fabrikasy)
3. «Baibosynova» JK
4. «DANMARD» JShS
5. «Vesta» tigin salony» JShS
6. «Angelcher» JShS
7. «GLASMAN» JShS
8. «ALTEX» JShS
9. «Gaýhar» JShS «Bellasco» brendimen
10. «Style-Z» JShS
11. Sokirko S.N. (Sens Fashion) JK
12. «CHEMPION» JK
13. «Alem Distribution» JShS
14. «Sara» JK
15. «Bizdin Forma» JShS
16. «Mimioriki» JShS
17. «Omarovtar atelesi» JShS
