Nur-Sultan qalasynyń ákimi Altai Kólginov elordada 2021-2022 jyldardaǵy jylý berý maýsymynyń bastalýy týraly qaýlyǵa qol qoidy, dep habarlaidy qala ákimdiginiń resmi saity.
Qaýlyǵa sáikes, 2021-2022 jyldardaǵy jylý berý maýsymy Nur-Sultanda 23 qyrkúiekten bastalady.
Eske sala keteiik, elordada keibir áleýmettik nysandar ótinishter negizinde jylý berý júiesine qosylǵan bolatyn. Onyń ishinde meditsinalyq mekemeler, bilim berý nysandary, balabaqshalar jáne t.b. áleýmettik nysandardyń daiyndyǵy 100% quraidy.
Sondai-aq, eldi mekenderdi gazdandyrý, jylý elektr ortalyqtaryn jańǵyrtý, JEO sý jylytý qazandyqtaryn gazǵa aýystyrý jumystary jalǵasýda. Jeke sektor turǵyndary úshin qalanyń barlyq aýdanynda kómir satatyn kompaniialar belgilendi. Qatty otyndy satyp alý kezinde dúrligýge jáne alypsatarlyqqa jol bermes úshin qoimalarda jetkilikti qor kólemi bar.
Qala ákimi buǵan deiin habarlaǵandai, «Kóktal-1», «Kóktal-2», «Temirjolshylar», «Agroqalashyq» eldi mekenderiniń turǵyndary gazǵa qosylýǵa múmkindik aldy.
Qarasha aiyna deiin Ońtústik-Shyǵys, Promyshlennyi, Agroqalashyq (qosylmaǵan bólik) eldi mekenderiniń turǵyndary gazǵa qosylý múmkindigin alady. Sondai-aq, «QazTransGaz Aimaq» AQ Kúigenjar, Michýrino, Internatsionalnyi eldi mekenderinde gazben jabdyqtaý jelileriniń qurylysyn júrgizýde. Bul eldi mekenderdi jyl sońyna deiin gazben qamtamasyz etý josparlanyp otyr.
