Búginde elordada bekitilgen keste boiynsha jylytý maýsymyna daiyndyq júrgizilip jatyr, dep habarlaidy "Ult aqparat".
Qala ákimdiginen málim etkendei, elordada jylytý maýsymy dalada ortasha aýa temperatýrasy bes táýlik boiy +10 °S jáne odan tómen bolǵan jaǵdaida bastalady.
«QR 2001 jylǵy 23 qańtardaǵy «QR jergilikti memlekettik basqarý jáne ózin-ózi basqarý týraly» zańyna, sondai-aq elordalyq máslihattyń 2014 jylǵy 27 maýsymdaǵy sheshimi briynsha jylytý maýsymyna daiyndyq jáne ony ótkizý qaǵidalaryna sáikes, bes táýlik ishinde syrtqy aýanyń ortasha temperatýrasy +10 °S jáne odan tómen bolǵan kezde, jergilikti atqarýshy organ jylytý maýsymynyń bastalýy týraly sheshimi qabyldaidy», - dedi ákimdikten.
Buǵan deiin habarlanǵandai, elordada energiia keshenderin, TKSh, bilim berý, mádeniet jáne densaýlyq saqtaý nysandaryn daiyndaý bekitilgen jospar boiynsha júrgizilýde.
Kóppáterli turǵyn úi qorynyń daiyndyǵy 90% joǵary. Sonymen qatar, qalada kún saiyn 20 myń tonna kóleminde qatty otyn qory qamtamasyz etiledi.
