Búgin elordada 2021 jylǵy Ulttyq sporttyq júldeniń jeńimpazdary anyqtaldy. «Jyl jańalyǵy» atalymynda qazaqstandyq karateshi Nurqanat Ájiqanov jeńiske jetti, - dep habarlaidy Olympic.kz.
Nurqanat jaqynda Birikken Arab Ámirlikterinde ótken álem chempionatynda eki qola medal jeńip aldy. Ol aldymen jekelei synda úzdik úshtikke ense, keiin komandalyq syndaǵy tarihi júldege atsalysty. Qazaqstan quramasy úshinshi oryn úshin ótken jekpe-jekte Túrkiiany utqan bolatyn.
«Men eresekter arasyndaǵy álem birinshiligine alǵash ret qatysyp, júldemen oraldym. Bul sporttyq mansabymdaǵy eń alǵashqy, ári eń iri jeńisim bolatyn. Sondyqtan búgingi jeńis men úshin erekshe mańyzdy.
Men úshin elimizdiń myqty sportshylarymen bir tizimde turý úlken abyroi. Onyń ústine, mundai baiqaý atletterdi odan ári shabyttandyrady.
Bizdi umytpai, eńbegimizdi eskerip jatqan Ulttyq Olimpiadalyq komitetke kóp rahmet!
Daýys bergen ár jankúierge de alǵysym zor. Biz óz kezegimizde halyqty jeńispen qýantýǵa tyrysamyz. Rahmet!», - dedi sportshy.
