Astananyń ortalyq kósheleriniń birinde jappai tóbeles boldy. Bul týraly qalalyq politsiia departmenti habarlady.
15 shilde kúni saǵat 16: 36-da Esil aýdany politsiia basqarmasynyń kezekshi bólimine Qabanbai batyr dańǵylyndaǵy kópirde jappai tóbeles bolyp jatqany týraly habarlama kelip tústi. Oqiǵa ornyna shyqqan patrýldik politsiia polkiniń qyzmetkerleri tóbeleske qatysýshylardyń bárin ustap, politsiia bólimshesine ákelgen.
«Tóbelesti 32, 29 jáne 25 jastaǵy jigitter bastaǵan. Jastar «Aziia park» saýda-oiyn-saýyq ortalyǵynyń kólik turaǵynda jolǵa syimai, sózge kelgen. Kópirge jetken kezde ereges tóbeleske ulasqan. Tóbelesti bastaǵandardyń ústinen «Buzaqylyq» babymen boiynsha qylmystyq is qozǵaldy. Tergeý amaldary júrip jatyr», - deidi departament mamandary.
Qos tarap ta kóshedegi jol qozǵalysyna kedergi ketirgeni úshin ákimshilik jaýapqa tartylýy múmkin. Al qylmystyq istiń qorytyndysy boiynsha negizgi kináliler bas bostandyǵynan aiyrylýy da yqtimal.
«Tóbeleske qatysýshylarǵa 5 myń AEK-ke deiin aiyppul salynýy múmkin nemese bes jylǵa deiin bas bostandyǵynan aiyrý jazasy berilý yqtimal. Sondai-aq, ózge kólikterdiń júrisin shektep, jol qozǵalysyn buzǵany úshin kólik ieleri Ákimshilik quqyq buzý týraly kodekstiń 614-baby boiynsha ákimshilik jaýapkershilikke tartyldy. Nur-Sultan qalasynyń politsiia departamenti avtokólik ielerine qoǵamdyq tártipti buzbaýǵa shaqyrady», - delingen departamenttiń málimetinde.
