Elordalyqtar men qala qonaqtary qoǵamdyq kólik qyzmeti úshin bir ai 45 teńgeden tólei alady, –dep habarlaidy «Ult aqparat».
«Jolaqyny 50% jeńildikpen SMS jáne QR-kod arqyly tólei alasyz. Aktsiia 18 qarashadan bastalyp, 18 jeltoqsanǵa deiin jalǵasady» dep málimdedi «Astana LRT» kompaniiasynan.
Mundai aktsiiany uialy bailanys operatorlarynyń biri usynyp otyr.
Atap aitqanda, tólemdi SMS nemese QR-kod arqyly jasaǵan kezde telefon nómirinen jol júrý biletiniń tolyq somasy – 90 teńge shegeriledi. Keiin balansqa 45 teńge qaitarylady. Jolaqyny tóleý úshin shotta kem degende 91 teńge bolýy tiis.
«45 teńgemen avtobýsta kúnine eki ret júre alasyz. Al úshinshi jáne odan arǵy saparlaryńyz úshin standartty – 90 teńge tóleisiz. Aktsiia tek qalalyq baǵyttarda júredi. Baǵasy 180 teńge bolatyn ekspress-marshrýttarda, sondai-aq aqysy 90, 200, 300 jáne 400 teńgelik qalamańy marshrýttarynda jeńildik qarastyrylmaǵan» dep naqtylady «Astana LRT»-dan.
