Elordada jedel járdem bazasyndaǵy koll-ortalyqqa júginýshiler sany kúrt ósti. Bul týraly Nur-Sultan qalasy qoǵamdyq densaýlyq saqtaý basqarmasynyń basshysy Sáýle Qisyqova aityp berdi, dep habarlaidy QazAqparat.
«Koll-ortalyqqa habarlasatyndar sany 3-4 esege deiin artty. Ótken táýlikte 3 800 qońyraý tirkelip, 2 728 adamǵa qyzmet kórsetildi. Munda da 2,5 ese ósim baiqalady», - dedi spiker Ortalyq kommýnikatsiialar qyzmetinde ótken onlain brifingte.
Basqarma basshysynyń aitýynsha, infektsiialyq jáne provizorlyq statsionarlardy ottegi kontsentrattarymen jáne ózge de meditsinalyq quraldarmen jabdyqtaý jumystary júrip jatyr.
«Barlyq meditsinalyq uiymdar jeke qorǵanys quraldarymen qamtamasyz etilgen. Dárilik preparattar da jetkilikti kólemde bar», - dedi C. Qisyqova.
