Jaǵajai maýsymyna daiyndyq máselesi talqylandy, dep habarlaidy "Ult aqparat" Nur-Sultan qalasy ákimdiginiń resmi saityna silteme jasap.
Elordada sý nysandaryn tizimdeý jumystary júrip, nátijesinde júzýge arnalǵan 23 oryn anyqtaldy. Onyń ishinde Ortalyq jaǵajai, «Tri peskaria» jáne «Stolichnyi dvor» demalys aimaqtaryna ruqsat etildi.
«Almaty-3, Baiqońyr-1, Esil-3, Saryarqa-3 aýdandaryndaǵy on ýchaskede qosymsha tegin jaǵajai ashý týraly usynys jasaldy. Bul sý aimaqtaryndaǵy qarbalasty aitarlyqtai azaitady» delingen Nur-Sultan qalalyq tótenshe jaǵdailar departamentiniń habarlamasynda.
Sondai-aq, taǵy on ýchaskede sý deńgeiiniń tómendigi, kiretin joldardyń bolmaýy, qalyń toǵaily ári qamysy bolýy saldarynan jaǵajai ashý qolaisyz dep tanyldy.
«Oqys oqiǵalardyń aldyn alý úshin ruqsat etilmegen jerlerge tyiym salý tańbalary men qalqyma belgiler qoiylady. Ózenniń tómengi bóligi shomylý oryndary retinde tekserilip, qaýipti ýchaskeler qorshalady jáne patrýldik politsiia kún saiyn kúzetedi», – deidi TJD.
Mamandardyń aitýynsha, jyl saiyn ruqsat etilmegen shomylý oryndarynyń sany kóbeiip otyr (2017 jyly – 10, 2018 jyly – 12, 2019 jyly – 20). Onyń negizgi sebebi - ruqsat etilgen qalalyq jaǵajailardyń sany men qashyqtyǵyna jáne qalanyń sý aimaǵy boiynda jańa aýdandar men kópqabatty úilerdiń salynýyna, halyq sanynyń artýyna bailanysty.
Osyǵan bailanysty Nur-sultan qalalyq máslihatynyń tyiym salynǵan shomylý oryndaryn jáne olarǵa qoiylatyn talaptardy anyqtaý týraly sheshimine tolyqtyrýlar engizildi.
Budan basqa, aldaǵy jaǵajai maýsymyna 90 «Shomylýǵa tyiym salynady» belgisi jáne qala sý aidyndarynda adamdardyń qaza bolýy statistikasy bar 25 aqparattyq stend ornatylady.
Sondai-aq departamenttiń «ÓS jáne AQJQ» MM, «JQJ» bólimsheleri 20 qalqyma belgi ornatyp, sýǵa shomylý oryndarynda ózen túbin zertteý jáne qaýipti ýchaskelerge qorshaý júrgizedi.
Bul jumysty departament qyzmetkerleri bekitilgen josparǵa sáikes turaqty túrde júrgizedi.
