Astananyń stýdenttik qurylys jáne «Jasyl el» jasaǵynyń XV maýsymynyń jabylý saltanaty ótti, dep habarlaidy "Ult aqparat" elorda ákimdiginiń resmi saityna silteme jasap.
Stýdenttik qurylys jáne «Jasyl el» jasaǵy 2005 jyly Tuńǵysh Prezident Nursultan Nazarbaevtyń tapsyrmasymen qurylǵan bolatyn. Biyl da el astanasynda jastardyń respýblikalyq eńbek jasaǵy qurylyp, onyń bólimsheleri barlyq óńirde ashyldy. Qoǵamdyq damý isteri basqarmasynyń jastarmen jumys bóliminiń basshysy Baqytjan Júnisbekovtyń aitýynsha, biyl «Jasyl el» shtaby jaz maýsymynda elordanyń 1000-nan astam jas turǵynyn jumyspen qamtydy.
«Jasyl el» quramynda eńbek etkisi keletin jastar sany jyl sanap artyp keledi. Biyl shtab jospardy mejelengen shamadan artyq oryndap, myńnan astam astanalyq jas jazǵy ýaqytta jumyspen qamtamasyz etildi. Onyń úsh júzge jýyǵy - kópbalaly jáne áleýmettik az qamtylǵan otbasy balalary.
Buǵan qosa iývenaldyq politsiiada esepke alynǵan jastar da eńbekke tartyldy. Qaladaǵy onnan astam uiym olarǵa jumys ornyn usyndy. Olardyń arasynda «Bazis-A», «Astana-Zelenstroi» AQ, «Astana ormany» JShS siiaqty qurylys kompaniialary men bilim berý uiymdary bar», - dedi Baqytjan Júnisbekov.
«Jasyl el» jasaǵy maýsymynyń jabylý rásimine qoǵam qairatkerleri men estrada juldyzdary qatysty.
